Фота з архіва
22 чэрвеня, Мінск /Кар. БЕЛТА/. КДБ Беларусі заявіў аб затрыманні ў 2025 годзе ўжо 14 асоб за шпіянаж і дзяржаўную здраду. Аб гэтым расказаў журналістам старшыня КДБ Іван Тэртэль, каменціруючы складаную абстаноўку вакол Беларусі, перадае карэспандэнт БЕЛТА.
"Адзначаем у гэтай сітуацыі найбольш вострую праблему, звязаную з процідзеяннем замежным спецслужбам. Калектыўны Захад нацэлены на тое, каб стварыць пэўную аснову і ў грамадстве нашым, і ў перспектыве з магчымым узброеным канфліктам для вырашэння ўсіх пытанняў на сваю карысць. Масіраваная разведвальная дзейнасць па нашай тэрыторыі (вядзецца. - Заўвага БЕЛТА) як з выкарыстаннем космасу, радыёразведкі, так і, вядома ж, агентурнай разведкі. Нягледзячы на ўсе прагрэсіўныя тэхналогіі, яна з'яўляецца асновай для работы любой разведкі свету", - адзначыў старшыня КДБ.
Ён раскрыў даныя, што толькі за мінулы перыяд 2025 года Камітэтам дзяржбяспекі спынена дзейнасць 14 асоб. "Гэта грамадзяне Рэспублікі Беларусь і замежныя грамадзяне, якія ажыццяўлялі дзейнасць, звязаную са шпіянажам (гэта для іншаземцаў) і здрадай дзяржаве (калі мы гаворым аб грамадзянах Рэспублікі Беларусь)", - заявіў Іван Тэртэль.
Паводле яго слоў, гэтыя асобы вялі агентурную разведку на тэрыторыі Беларусі, ажыццяўлялі разведку аб'ектаў ваеннай інфраструктуры, чыгунак. Былі і спробы агентурнага пранікнення на прадпрыемствы абароннага комплексу. "Мы затрымлівалі замежных грамадзян краін Заходняй Еўропы, шэрага іншых", - удакладніў кіраўнік ведамства.
Ён канстатаваў, што абстаноўка ў свеце і рэгіёне вельмі няпростая: "На гэтым фоне Беларусь, як гавораць нашы некаторыя "сябры", у 10 разоў каштоўней для процістаячых бакоў у плане правядзення мерапрыемстваў, у плане геапалітычнага становішча".
"Задача - перш за ўсё не дапусціць раптоўнага нападу на Рэспубліку Беларусь. Вырашаць задачы па забеспячэнні інтарэсаў нашай дзяржавы і грамадства", - сказаў Іван Тэртэль.
"Аб'ектамі (інтарэсу замежных спецслужбаў. - Заўвага БЕЛТА), вядома ж, з'яўляюцца ў тым ліку органы ўлады і кіравання, нашы сакрэтаносьбіты, неабароненыя месцы ў нашай эканоміцы. Насцярожваючы фактар, калі гаварыць на прафесійнай мове спецслужбаў, гэта нейкім чынам спроба падрыхтоўкі з боку спецслужбаў тэатра ваенных дзеянняў да будучага процістаяння ва ўзброеным канфлікце, - расказаў кіраўнік КДБ. - Вядома, мы прымаем меры, улічваем тое, што адбываецца на розных франтах нябачнай вайны, у тым ліку мерапрыемствы, якія праводзіліся ў Іране, у нашых суседзяў, дзе ў ходзе процістаяння з'яўляюцца розныя новыя формы і метады работы. Мы ўкараняем адпаведныя меры, каб маглі хутка рэагаваць на гэтыя пагрозы. Пакуль гэтых мер дастаткова".
Іван Тэртэль звярнуў увагу, што агучаная лічба затрыманых таксама сведчыць, што гэта работа праводзіцца на дастаткова высокім узроўні. Больш таго, прадстаўнікі спецслужбаў іншых дзяржаў часам звяртаюцца да Беларусі з просьбай аб жэсце добрай волі - размова аб перадачы асоб, затрыманых за супрацоўніцтва з гэтымі спецслужбамі. "Мы заўсёды настроены на канструктыўнае вырашэнне ўсіх пытанняў. Заўсёды гаворым нашым калегам: "Давайце ўсё ж такі разумець адзін аднаго і не абвастраць сітуацыю". Як правіла, у практыцы спецслужбаў прымяняецца методыка, калі праводзіцца ўзаемны абмен затрыманымі асобамі. Пакуль нашы замежныя партнёры нікога нам для абмену прадаставіць не могуць", - расказаў кіраўнік ведамства.-0-
"Адзначаем у гэтай сітуацыі найбольш вострую праблему, звязаную з процідзеяннем замежным спецслужбам. Калектыўны Захад нацэлены на тое, каб стварыць пэўную аснову і ў грамадстве нашым, і ў перспектыве з магчымым узброеным канфліктам для вырашэння ўсіх пытанняў на сваю карысць. Масіраваная разведвальная дзейнасць па нашай тэрыторыі (вядзецца. - Заўвага БЕЛТА) як з выкарыстаннем космасу, радыёразведкі, так і, вядома ж, агентурнай разведкі. Нягледзячы на ўсе прагрэсіўныя тэхналогіі, яна з'яўляецца асновай для работы любой разведкі свету", - адзначыў старшыня КДБ.
Ён раскрыў даныя, што толькі за мінулы перыяд 2025 года Камітэтам дзяржбяспекі спынена дзейнасць 14 асоб. "Гэта грамадзяне Рэспублікі Беларусь і замежныя грамадзяне, якія ажыццяўлялі дзейнасць, звязаную са шпіянажам (гэта для іншаземцаў) і здрадай дзяржаве (калі мы гаворым аб грамадзянах Рэспублікі Беларусь)", - заявіў Іван Тэртэль.
Паводле яго слоў, гэтыя асобы вялі агентурную разведку на тэрыторыі Беларусі, ажыццяўлялі разведку аб'ектаў ваеннай інфраструктуры, чыгунак. Былі і спробы агентурнага пранікнення на прадпрыемствы абароннага комплексу. "Мы затрымлівалі замежных грамадзян краін Заходняй Еўропы, шэрага іншых", - удакладніў кіраўнік ведамства.
Ён канстатаваў, што абстаноўка ў свеце і рэгіёне вельмі няпростая: "На гэтым фоне Беларусь, як гавораць нашы некаторыя "сябры", у 10 разоў каштоўней для процістаячых бакоў у плане правядзення мерапрыемстваў, у плане геапалітычнага становішча".
"Задача - перш за ўсё не дапусціць раптоўнага нападу на Рэспубліку Беларусь. Вырашаць задачы па забеспячэнні інтарэсаў нашай дзяржавы і грамадства", - сказаў Іван Тэртэль.
"Аб'ектамі (інтарэсу замежных спецслужбаў. - Заўвага БЕЛТА), вядома ж, з'яўляюцца ў тым ліку органы ўлады і кіравання, нашы сакрэтаносьбіты, неабароненыя месцы ў нашай эканоміцы. Насцярожваючы фактар, калі гаварыць на прафесійнай мове спецслужбаў, гэта нейкім чынам спроба падрыхтоўкі з боку спецслужбаў тэатра ваенных дзеянняў да будучага процістаяння ва ўзброеным канфлікце, - расказаў кіраўнік КДБ. - Вядома, мы прымаем меры, улічваем тое, што адбываецца на розных франтах нябачнай вайны, у тым ліку мерапрыемствы, якія праводзіліся ў Іране, у нашых суседзяў, дзе ў ходзе процістаяння з'яўляюцца розныя новыя формы і метады работы. Мы ўкараняем адпаведныя меры, каб маглі хутка рэагаваць на гэтыя пагрозы. Пакуль гэтых мер дастаткова".
Іван Тэртэль звярнуў увагу, што агучаная лічба затрыманых таксама сведчыць, што гэта работа праводзіцца на дастаткова высокім узроўні. Больш таго, прадстаўнікі спецслужбаў іншых дзяржаў часам звяртаюцца да Беларусі з просьбай аб жэсце добрай волі - размова аб перадачы асоб, затрыманых за супрацоўніцтва з гэтымі спецслужбамі. "Мы заўсёды настроены на канструктыўнае вырашэнне ўсіх пытанняў. Заўсёды гаворым нашым калегам: "Давайце ўсё ж такі разумець адзін аднаго і не абвастраць сітуацыю". Як правіла, у практыцы спецслужбаў прымяняецца методыка, калі праводзіцца ўзаемны абмен затрыманымі асобамі. Пакуль нашы замежныя партнёры нікога нам для абмену прадаставіць не могуць", - расказаў кіраўнік ведамства.-0-
Падпісвайцеся на нас у
