ДЗЯРЖОРГАНЫДЗЯРЖОРГАНЫ
Флаг Нядзеля, 24 кастрычніка 2021
Мінск Пераменная воблачнасць +2°C
Усе навіны
Усе навіны
Палітыка
03 верасня 2021, 10:39

"Катэгарычна не прымаем палітызацыю тэмы пандэміі". Беларусь выказалася аб справаздачы ЗША аб паходжанні COVID-19

Фота з архіва
Фота з архіва

3 верасня, Мінск /Кар. БЕЛТА/. Міністэрства замежных спраў Беларусі пракаменціравала публікацыю ў ЗША справаздачы аб расследаванні паходжання SARS-CoV-2. Адпаведны каментарый прэс-службы МЗС апублікаваны на сайце знешнепалітычнага ведамства, паведамляе БЕЛТА.

Нядаўна нацыянальная разведка ЗША апублікавала справаздачу аб расследаванні паходжання SARS-CoV-2, у якой яна спрабуе абвінаваціць Кітайскую Народную Рэспубліку калі не ў распрацоўцы віруса, то ва ўтойванні інфармацыі, неабходнай для барацьбы з ім. "Такая выснова робіцца на падставе меркавання прадстаўнікоў разведвальнай супольнасці, прафесійная кваліфікацыя якіх у сферы эпідэміялогіі і вірусалогіі нам невядома. Пры гэтым аўтары названага тэксту не жадаюць заўважаць відавочныя і шырока вядомыя факты супрацоўніцтва Кітая з міжнароднымі структурамі аховы здароўя і міжнароднай супольнасцю ў цэлым па тэматыцы барацьбы з распаўсюджваннем SARS-CoV-2. Яны таксама ігнаруюць меркаванне 80 дзяржаў - членаў Сусветнай арганізацыі аховы здароўя, сярод якіх і Беларусь, больш за 300 палітычных партый, грамадскіх арганізацый і аналітычных цэнтраў з больш як 100 краін і рэгіёнаў, якія выступілі супраць палітызацыі пытання аб крыніцы віруса і падтрымалі сумесны даклад КНР і СААЗ па гэтай тэме", - адзначылі ў прэс-службе міністэрства.

У МЗС падкрэслілі, што цяпер важна цеснае ўзаемадзеянне і зацікаўленае супрацоўніцтва вучоных усяго свету ў гэтай навуковай рабоце. Паводле ацэнак СААЗ, КНР прымае ў ёй самы актыўны ўдзел. Па запрашэнні кітайскага боку эксперты СААЗ двойчы пабывалі ў Кітаі для правядзення даследчай работы.

У пачатку года адбылася 28-дзённая сумесная інспекцыя кітайскіх і міжнародных экспертаў, па выніках якой апублікаваны даклад з аўтарытэтнымі навуковымі высновамі. "Беларусь катэгарычна не прымае палітызацыю і інструменталізацыю тэмы пандэміі. Лічым, што навуковае супрацоўніцтва, асабліва ў такіх важных для ўсяго свету пытаннях, павінна быць свабодным ад любога ўплыву і націску. Упэўнены, што толькі скаардынаваныя сумесныя міжнародныя намаганні дадуць магчымасць эфектыўна процістаяць пандэміі COVID-19", - заявілі ў ведамстве.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі