26 кастрычніка, Мінск /Кар. БЕЛТА/. Канцэпцыя інфармацыйнай бяспекі Саюзнай дзяржавы можа быць зацверджана ў гэтым годзе, паведаміў дырэктар другога дэпартамента краін СНД МЗС Расіі Аляксей Палішчук, перадае карэспандэнт БЕЛТА.
"Мы разлічваем, што да канца года ўсе неабходныя працэдуры будуць выкананы, канцэпцыя будзе зацверджана і створыць асновы для практычнай дзейнасці", - сказаў Аляксей Палішчук.
У цэлым неабходныя ўнутрыдзяржаўныя працэдуры па ўзгадненні праекта канцэпцыі пройдзены, што дазволіла Пастаяннаму камітэту Саюзнай дзяржавы ў верасні пачаць работу па прыняцці канцэпцыі, удакладніў дырэктар дэпартамента.
Сёння ў Мінску і Маскве праходзіць пасяджэнне Камісіі Парламенцкага сходу па бяспецы і абароне. Да ўдзелу ў рабоце запрошаны прадстаўнікі Пастаяннага камітэта Саюзнай дзяржавы, міністэрстваў і ведамстваў Беларусі і Расіі. У ліку пытанняў - заканадаўчае рэгуляванне дзейнасці па процідзеянні замежнаму ўмяшанню праз некамерцыйныя арганізацыі, якія фінансуюцца з-за мяжы, разгляд ходу распрацоўкі і ўзгаднення Канцэпцыі інфармацыйнай бяспекі Саюзнай дзяржавы. У парадку дня пасяджэння таксама абмеркаванне ходу распрацоўкі праграм Саюзнай дзяржавы па пытаннях дзейнасці Камісіі Парламенцкага сходу па бяспецы і абароне.-0-
