21 красавіка, Мінск /Кар. БЕЛТА/. Палітолаг-амерыканіст Малек Дудакоў у праекце "У тэме" на Youtube-канале БЕЛТА расказаў, калі ўсталюецца новы светапарадак.
"Думаю, што пераход ад аднаго светапарадку да другога можа займаць дзесяцігоддзі. Ён так ці інакш пачаўся з нулявых гадоў, і цяпер мы назіраем ужо такі паскораны, заключны пераход. Цалкам магчыма, што ён будзе доўжыцца дзесяцігоддзі, можа, і гады. Ніхто прадказаць не можа. Потым гісторыкі ў будучыні пастфактум гэта вызначаць. Скажуць, што з такога па такі год быў такі пераход", - сказаў Малек Дудакоў.
Паводле яго слоў, новы светапарадак прывядзе да рэгіяналізацыі. "Будуць нейкія сферы ўплыву з рэгіянальнымі дзяржавамі, якія будуць спрабаваць у іх наводзіць парадак і неяк іх кантраляваць", - адзначыў палітолаг.
"Відавочна, што Беларусі мае сэнс захоўваць высокі ўзровень даверу з Расіяй, высокі ўзровень узаемаадносін. Інакш наступствы могуць быць самымі сумнымі для бяспекі абедзвюх краін. Таму ў нас тут ёсць магчымасці для таго, каб гэта перасядзець, перацярпець. Чаго нельга сказаць аб нашых "заходніх партнёрах", якія ўжо цяпер пачынаюць у поўнай меры адчуваць наступствы гэтых санкцыйных войнаў, якія самі і развязалі", - канстатаваў Малек Дудакоў.-0-