Мабільная версія
ДЗЯРЖОРГАНЫ

Апошнія навіны
Усе навіны

Ярмошына расказала аб навацыях выбарчай парламенцкай кампаніі-2019

Палітыка 12.08.2019 | 16:04
Лідзія Ярмошына. Фота з архіва
Лідзія Ярмошына. Фота з архіва

12 жніўня, Мінск /Кар. БЕЛТА/. Старшыня Цэнтрвыбаркама Лідзія Ярмошына расказала ў эфіры Першага нацыянальнага канала Беларускага радыё аб навацыях, якія будуць выкарыстаны на выбарах дэпутатаў Палаты прадстаўнікоў Нацыянальнага сходу сёмага склікання, паведамляе БЕЛТА.

Адно з новаўвядзенняў датычыцца галасавання людзей з абмежаванымі фізічнымі магчымасцямі. "Гэта, дарэчы, цяпер прымяняецца і ў іншых дзяржавах. Для калясачнікаў, якія будуць галасаваць на выбарчых участках, а не дома, будуць прадугледжаны спецыяльныя месцы для галасавання: нізкія парты або сталы, каб чалавек мог уехаць у кабіну на калясцы, або будзе спецыяльны стол побач з камісіяй з выгарадкай, што дасць магчымасць прагаласаваць, седзячы ў зручным становішчы. Акрамя таго, мы ўжо ўзгаднілі з нашымі тэлекампаніямі магчымасць субцітравання выступленняў кандыдатаў у дэпутаты, каб тэксты маглі прачытаць людзі з парушэннямі слыху. Зразумела, будуць абавязкова, як і раней, прадугледжвацца трафарэты для самастойнага галасавання сляпых грамадзян. Будуць прадастаўляцца лупы для людзей са слабым зрокам", - адзначыла Лідзія Ярмошына.

На ўсёй тэрыторыі краіны таксама будзе дзейнічаць дадатак для мабільных тэлефонаў. "Гэта пасля ўтварэння ўчасткаў, за 60 дзён да выбараў, дзе выбаршчык, набраўшы свой адрас, атрымае адказ аб тым, дзе знаходзіцца яго выбарчы ўчастак, якая ў яго выбарчая акруга. Такім чынам, потым ён можа ў электронным выглядзе паглядзець, пашукаць у інтэрнэце, дадаткова даведацца пра сваіх кандыдатаў у дэпутаты, якія будуць ісці па гэтай акрузе", - падкрэсліла старшыня Цэнтрвыбаркама.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).