16 верасня, Мінск /Кар. БЕЛТА/. Старшыня Цэнтрвыбаркама Беларусі Лідзія Ярмошына лічыць галоўным дасягненнем выбараў у парламент 2016 года адкрытасць мясцовых улад да вядзення кандыдатамі ў дэпутаты агітацыйных мерапрыемстваў. Аб гэтым яна заявіла сёння журналістам, перадае карэспандэнт БЕЛТА.
"Галоўнае дасягненне - тое, што нашы мясцовыя ўлады вучацца прадастаўляць шырокія магчымасці для вядзення ўсіх публічных мерапрыемстваў, звязаных з выбарамі", - лічыць Лідзія Ярмошына.
Сярод пазітыўных змяненняў яна таксама назвала павелічэнне колькасці кандыдатаў, у тым ліку партыйных, якія імкнуцца выбрацца ў парламент, дзякуючы чаму электарат атрымлівае на выбарах альтэрнатыву. Акрамя таго, выбарчая кампанія становіцца больш адкрытай.-0-
