27 лістапада, Мінск /Аліна Грышкевіч - БЕЛТА/. Японія мае намер узмацніць супрацоўніцтва з Беларуссю. Гэта адзначыў Хірокі Такунага 26 лістапада на ўрачыстым мерапрыемстве ў сувязі з пачаткам сваёй дыпламатычнай місіі ў Беларусі ў якасці Надзвычайнага і Паўнамоцнага Пасла Японіі, перадае карэспандэнт БЕЛТА.
"У гэтым годзе ўрад Японіі прыняў рашэнне аб новым статусе свайго дыпламатычнага прадстаўніцтва ў Беларусі - пад кіраўніцтвам Надзвычайнага і Паўнамоцнага Пасла", - звярнуў увагу Хірокі Такунага. Такім чынам, у Мінску пачало дзейнічаць паўнацэннае пасольства, раней тут працавала аддзяленне пасольства з асноўным офісам у Маскве.
"Да гэтага я тры гады працаваў у Мінску ў якасці часовага паверанага ў справах Японіі. Упэўнены, што цяпер будзе яшчэ больш магчымасцей для актывізацыі кантактаў з Беларуссю", - падкрэсліў Хірокі Такунага.
Ён расказаў, што, атрымліваючы назначэнне на пасаду пасла, сустракаўся з Імператарам і прэм'ер-міністрам Японіі і абмяркоўваў далейшае развіццё ўзаемадзеяння з Беларуссю. Кіраўнік дыпламатычнай місіі перакананы ў тым, што беларуска-японскія сувязі атрымаюць новае развіццё.-0-
