ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +11°C
Усе навіны
Усе навіны
Палітыка
18 студзеня 2022, 16:47

Іваноў: у праекце Канстытуцыі захаваны баланс паўнамоцтваў паміж галінамі ўлады

Валерый Іваноў
Валерый Іваноў

18 студзеня, Пружанскі раён /Кар. БЕЛТА/. У праекце змяненняў і дапаўненняў у Канстытуцыю захаваны баланс паўнамоцтваў паміж галінамі ўлады. Такое меркаванне выказаў сёння кіраўнік спраў Прэзідэнта - упаўнаважаны прадстаўнік кіраўніка дзяржавы па Брэсцкай вобласці Валерый Іваноў на сустрэчы з калектывам Пружанскага малочнага камбіната, перадае карэспандэнт БЕЛТА.

"Вельмі важны і адзін з самых абмяркоўваемых раздзелаў Канстытуцыі - аб Прэзідэнце Рэспублікі Беларусь. Падрыхтаваныя змяненні забяспечваюць баланс паўнамоцтваў: нельга стварыць рызыку двоеўладдзя. Захоўваючы Беларусь прэзідэнцкай рэспублікай, палітычная сістэма выбудоўваецца так, каб кожная галіна ўлады была збалансаванай і мела рычагі ўздеяння на іншую, калі тая становіцца на шлях парушэння Канстытуцыі і заканадаўства", - звярнуў увагу Валерый Іваноў.

У праекце Канстытуцыі прапануецца ўзмацніць патрабаванні да кандыдатаў на пасаду кіраўніка дзяржавы. Напрыклад, на пасаду Прэзідэнта могуць прэтэндаваць грамадзяне не маладзейшыя за 40 гадоў. Перад выбарамі яны павінны пастаянна пражываць у краіне не менш як 20 гадоў.

Валерый Іваноў спыніўся на раздзеле аб Усебеларускім народным сходзе. У праекце Канстытуцыі вызначаны яго статус, парадак фарміравання і паўнамоцтвы. "УНС стане вышэйшым прадстаўнічым органам народаўладдзя, будзе выконваць стабілізуючую і кансалідуючую функцыю грамадства. Асаблівы статус сходу забяспечваецца ўдзелам у яго дзейнасці прадстаўнікоў усіх галін улады, органаў мясцовага самакіравання, а таксама грамадзянскай супольнасці. Пры такім падыходзе выключаюцца рызыкі разбалансіроўкі дзяржаўнага апарату", - сказаў кіраўнік спраў Прэзідэнта.

У прыватнасці, прапануецца, каб УНС прымаў асноўныя стратэгічныя і праграмныя дакументы краіны, ініцыяваў змяненні ў Канстытуцыю і прыняцце іншых законаў. Усебеларускі народны сход будзе мець права даваць ацэнку легітымнасці выбараў. "У лік паўнамоцтваў УНС унесены пытанні фарміравання важнейшых канстытуцыйных органаў: Канстытуцыйнага і Вярхоўнага судоў, Цэнтральнай выбарчай камісіі. Гэта прыклад перадачы сходу часткі прэзідэнцкіх паўнамоцтваў", - дадаў Валерый Іваноў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі