Зімбабвэ будзе нарошчваць узаемавыгаднае супрацоўніцтва з
Беларуссю. Гэта адзначыў у інтэрв'ю БЕЛТА Надзвычайны і Паўнамоцны Пасол
Рэспублікі Зімбабвэ ў Рэспубліцы Беларусь Ігнаціус Грэм Мудзімба
напярэдадні 45-годдзя незалежнасці гэтай краіны і запланаванага другога
пасяджэння беларуска-зімбабвійскай сумеснай пастаяннай камісіі па
супрацоўніцтве, а таксама пасяджэння рабочай групы па сельскай
гаспадарцы. Дыпламат расказаў аб тым, як развіваецца ўзаемадзеянне з
Беларуссю, аб маючых адбыцца важных мерапрыемствах у
беларуска-зімбабвійскіх сувязях, а таксама аб падрыхтоўцы візіту
Прэзідэнта Зімбабвэ ў Мінск.
- Спадар пасол, Беларусь і Зімбабвэ 16 красавіка адзначаюць 33-годдзе ўстанаўлення дыпламатычных адносін. Якая гісторыя дружбы паміж нашымі краінамі?
- Гісторыя дружбы пачалася яшчэ ў савецкі перыяд, калі да нас пастаўляліся беларускія трактары. Таму аб якасці беларускай тэхнікі мы ведаем даўно і не па чутках.
А дыпламатычныя адносіны паміж Зімбабвэ і Беларуссю былі ўстаноўлены 16 красавіка 1992 года.
У сакавіку 2023 года ўрад Зімбабвэ адкрыў пасольства ў Мінску. Але афіцыйнай цырымоніі адкрыцця пакуль не было. Мы чакаем, што яна павінна адбыцца ў час дзяржаўнага візіту Прэзідэнта Зімбабвэ Эмерсана Дамбудза Мнангагвы ў Беларусь, які запланаваны і работа па падрыхтоўцы якога цяпер актыўна вядзецца.
У Зімбабвэ таксама дзейнічае пасольства Беларусі. Такім чынам, абедзве дыпламатычныя місіі падтрымліваюць развіццё двухбаковага супрацоўніцтва.
Хачу звярнуць увагу, што ў Зімбабвэ 18 красавіка будзе святкавацца 45-годдзе незалежнасці. Гэта важнае для нашай краіны свята, якое сімвалізуе новы этап развіцця незалежнай дзяржавы.
- Як вы ахарактарызавалі б палітычныя кантакты паміж Беларуссю і Зімбабвэ на гэтым этапе развіцця двухбаковых сувязей?
- Зімбабвэ і Беларусь звязваюць цёплыя адносіны. Сувязі паміж дзвюма краінамі дасягнулі стратэгічнай вышыні менавіта ў той перыяд, калі абедзве краіны адкрылі пасольствы ў сталіцах.
Лічу, што палітычныя адносіны паміж Беларуссю і Зімбабвэ знаходзяцца на высокім узроўні.
Прэзідэнт Зімбабвэ Эмерсан Мнангагва наведваў Беларусь у студзені 2019 года.
З 30 студзеня па 1 лютага 2023 года Прэзідэнт Беларусі Аляксандр Лукашэнка з дзяржаўным візітам пабываў у Зімбабвэ.
- А калі чакаць візіту ў адказ Прэзідэнта Зімбабвэ ў Мінск?
- Планы па арганізацыі візіту на высокім узроўні знаходзяцца ў самай актыўнай фазе прапрацоўкі.
Нашы чаканні ад гэтага візіту вельмі высокія.
У цэлым хачу звярнуць увагу, што абмены на вышэйшым узроўні заўсёды надаюць імпульс далейшаму развіццю ўзаемадзеяння паміж краінамі, дапамагаюць вызначыць новыя вектары ўзаемавыгаднага супрацоўніцтва.
- Як ідуць справы ў гандлёва-эканамічным супрацоўніцтве паміж нашымі краінамі? Якія беларускія паслугі і прадукцыя запатрабаваны ў Зімбабвэ і якія зімбабвійскія - у Беларусі?
- Над развіццём гандлёва-эканамічнага супрацоўніцтва мы старанна працуем. Хачу заўважыць, што лічбы ўзаемнага тавараабароту пакуль невялікія, аднак ёсць перспектывы для іх павелічэння.
Наогул экспарт з Зімбабвэ ў Беларусь на працягу многіх гадоў заставаўся адносна невялікім і непастаянным. Гандлёвы дысбаланс на карысць Беларусі падкрэслівае неабходнасць для Зімбабвэ павысіць канкурэнтаздольнасць і пашырыць рынак збыту сваёй экспартнай прадукцыі.
Зімбабвэ можа экспартаваць у Беларусь тытунь, бавоўну і мінералы, а Беларусь - больш пастаўляць у Зімбабвэ машын, абсталявання і калійных угнаенняў.
У сакавіку 2022 года Зімбабвэ і Беларусь падпісалі пагадненне на $16 млн аб пастаўцы проціпажарнага абсталявання для Дэпартамента грамадзянскай абароны. На сённяшні дзень у Зімбабвэ пастаўлена 114 адзінак проціпажарнага абсталявання, якое размеркавана па дзесяці правінцыях краіны.
Хачу таксама заўважыць, што Зімбабвэ і Беларусь знаходзяцца на вельмі актыўнай стадыі супрацоўніцтва па мясцовай вытворчасці аўтобусаў з зімбабвійскай кампаніяй AVM Africa. Перагаворы знаходзяцца ў самай актыўнай фазе, трэба будзе канчаткова ўзгадніць структуру цэн і пачаць вытворчасць да канца 2025 года.
Размова ідзе і аб тым, каб наладзіць вытворчасць беларускіх трактароў у Зімбабвэ.
- Ці ўдзельнічае Беларусь у праграме механізацыі сельскай гаспадаркі ў вашай краіне?
- Гэты працэс ідзе, прычым даволі актыўна. У рамках першага і другога этапаў праграмы механізацыі фермерскіх гаспадарак у Зімбабвэ было пастаўлена 1767 трактароў і 76 збожжаўборачных камбайнаў.
Трэці этап праграмы механізацыі знаходзіцца ў стадыі рэалізацыі. Чакаецца пастаўка 3161 трактара і 80 збожжаўборачных камбайнаў.
- Літаральна гэтымі днямі ў Харарэ адбудзецца другое пасяджэнне сумеснай пастаяннай камісіі па супрацоўніцтве Рэспублікі Беларусь і Рэспублікі Зімбабвэ. Якія самыя важныя пытанні на парадку дня?
- Першае пасяджэнне гэтай камісіі прайшло ў лютым 2024 года ў час візіту міністра замежных спраў Рэспублікі Беларусь у Зімбабвэ. Тая сустрэча была вельмі плённай, у ёй удзельнічалі кіраўнікі і супрацоўнікі міністэрстваў прамысловасці, сельскай гаспадаркі і харчавання, аховы здароўя, адукацыі, шэрага дзяржаўных прадпрыемстваў і канцэрнаў Беларусі. Перагаворы былі вельмі эфектыўнымі.
Мы разлічваем, што такім жа канструктыўным і плённым будзе і маючае адбыцца пасяджэнне ў Харарэ. У час гэтай сустрэчы плануецца абмеркаваць вялікі пералік пытанняў гандлёва-эканамічнага супрацоўніцтва.
У прыватнасці, будуць падведзены вынікі рэалізацыі шэрага дакументаў, пагадненняў і прапаноў, зробленых дзвюма краінамі на першым пасяджэнні.
Ідзе таксама прапрацоўка больш як дзесяці двухбаковых дакументаў, якія рыхтуюцца да падпісання ў час візіту на вышэйшым узроўні.
Аліна ГРЫШКЕВІЧ,
фота аўтара,
БЕЛТА.-0-
- Спадар пасол, Беларусь і Зімбабвэ 16 красавіка адзначаюць 33-годдзе ўстанаўлення дыпламатычных адносін. Якая гісторыя дружбы паміж нашымі краінамі?
- Гісторыя дружбы пачалася яшчэ ў савецкі перыяд, калі да нас пастаўляліся беларускія трактары. Таму аб якасці беларускай тэхнікі мы ведаем даўно і не па чутках.
А дыпламатычныя адносіны паміж Зімбабвэ і Беларуссю былі ўстаноўлены 16 красавіка 1992 года.
У сакавіку 2023 года ўрад Зімбабвэ адкрыў пасольства ў Мінску. Але афіцыйнай цырымоніі адкрыцця пакуль не было. Мы чакаем, што яна павінна адбыцца ў час дзяржаўнага візіту Прэзідэнта Зімбабвэ Эмерсана Дамбудза Мнангагвы ў Беларусь, які запланаваны і работа па падрыхтоўцы якога цяпер актыўна вядзецца.
У Зімбабвэ таксама дзейнічае пасольства Беларусі. Такім чынам, абедзве дыпламатычныя місіі падтрымліваюць развіццё двухбаковага супрацоўніцтва.
Хачу звярнуць увагу, што ў Зімбабвэ 18 красавіка будзе святкавацца 45-годдзе незалежнасці. Гэта важнае для нашай краіны свята, якое сімвалізуе новы этап развіцця незалежнай дзяржавы.
- Як вы ахарактарызавалі б палітычныя кантакты паміж Беларуссю і Зімбабвэ на гэтым этапе развіцця двухбаковых сувязей?
- Зімбабвэ і Беларусь звязваюць цёплыя адносіны. Сувязі паміж дзвюма краінамі дасягнулі стратэгічнай вышыні менавіта ў той перыяд, калі абедзве краіны адкрылі пасольствы ў сталіцах.
Лічу, што палітычныя адносіны паміж Беларуссю і Зімбабвэ знаходзяцца на высокім узроўні.
Прэзідэнт Зімбабвэ Эмерсан Мнангагва наведваў Беларусь у студзені 2019 года.
З 30 студзеня па 1 лютага 2023 года Прэзідэнт Беларусі Аляксандр Лукашэнка з дзяржаўным візітам пабываў у Зімбабвэ.
- А калі чакаць візіту ў адказ Прэзідэнта Зімбабвэ ў Мінск?
- Планы па арганізацыі візіту на высокім узроўні знаходзяцца ў самай актыўнай фазе прапрацоўкі.
Нашы чаканні ад гэтага візіту вельмі высокія.
У цэлым хачу звярнуць увагу, што абмены на вышэйшым узроўні заўсёды надаюць імпульс далейшаму развіццю ўзаемадзеяння паміж краінамі, дапамагаюць вызначыць новыя вектары ўзаемавыгаднага супрацоўніцтва.
- Як ідуць справы ў гандлёва-эканамічным супрацоўніцтве паміж нашымі краінамі? Якія беларускія паслугі і прадукцыя запатрабаваны ў Зімбабвэ і якія зімбабвійскія - у Беларусі?
- Над развіццём гандлёва-эканамічнага супрацоўніцтва мы старанна працуем. Хачу заўважыць, што лічбы ўзаемнага тавараабароту пакуль невялікія, аднак ёсць перспектывы для іх павелічэння.
Наогул экспарт з Зімбабвэ ў Беларусь на працягу многіх гадоў заставаўся адносна невялікім і непастаянным. Гандлёвы дысбаланс на карысць Беларусі падкрэслівае неабходнасць для Зімбабвэ павысіць канкурэнтаздольнасць і пашырыць рынак збыту сваёй экспартнай прадукцыі.
Зімбабвэ можа экспартаваць у Беларусь тытунь, бавоўну і мінералы, а Беларусь - больш пастаўляць у Зімбабвэ машын, абсталявання і калійных угнаенняў.
У сакавіку 2022 года Зімбабвэ і Беларусь падпісалі пагадненне на $16 млн аб пастаўцы проціпажарнага абсталявання для Дэпартамента грамадзянскай абароны. На сённяшні дзень у Зімбабвэ пастаўлена 114 адзінак проціпажарнага абсталявання, якое размеркавана па дзесяці правінцыях краіны.
Хачу таксама заўважыць, што Зімбабвэ і Беларусь знаходзяцца на вельмі актыўнай стадыі супрацоўніцтва па мясцовай вытворчасці аўтобусаў з зімбабвійскай кампаніяй AVM Africa. Перагаворы знаходзяцца ў самай актыўнай фазе, трэба будзе канчаткова ўзгадніць структуру цэн і пачаць вытворчасць да канца 2025 года.
Размова ідзе і аб тым, каб наладзіць вытворчасць беларускіх трактароў у Зімбабвэ.
- Ці ўдзельнічае Беларусь у праграме механізацыі сельскай гаспадаркі ў вашай краіне?
- Гэты працэс ідзе, прычым даволі актыўна. У рамках першага і другога этапаў праграмы механізацыі фермерскіх гаспадарак у Зімбабвэ было пастаўлена 1767 трактароў і 76 збожжаўборачных камбайнаў.
Трэці этап праграмы механізацыі знаходзіцца ў стадыі рэалізацыі. Чакаецца пастаўка 3161 трактара і 80 збожжаўборачных камбайнаў.
- Літаральна гэтымі днямі ў Харарэ адбудзецца другое пасяджэнне сумеснай пастаяннай камісіі па супрацоўніцтве Рэспублікі Беларусь і Рэспублікі Зімбабвэ. Якія самыя важныя пытанні на парадку дня?
- Першае пасяджэнне гэтай камісіі прайшло ў лютым 2024 года ў час візіту міністра замежных спраў Рэспублікі Беларусь у Зімбабвэ. Тая сустрэча была вельмі плённай, у ёй удзельнічалі кіраўнікі і супрацоўнікі міністэрстваў прамысловасці, сельскай гаспадаркі і харчавання, аховы здароўя, адукацыі, шэрага дзяржаўных прадпрыемстваў і канцэрнаў Беларусі. Перагаворы былі вельмі эфектыўнымі.
Мы разлічваем, што такім жа канструктыўным і плённым будзе і маючае адбыцца пасяджэнне ў Харарэ. У час гэтай сустрэчы плануецца абмеркаваць вялікі пералік пытанняў гандлёва-эканамічнага супрацоўніцтва.
У прыватнасці, будуць падведзены вынікі рэалізацыі шэрага дакументаў, пагадненняў і прапаноў, зробленых дзвюма краінамі на першым пасяджэнні.
Ідзе таксама прапрацоўка больш як дзесяці двухбаковых дакументаў, якія рыхтуюцца да падпісання ў час візіту на вышэйшым узроўні.
Аліна ГРЫШКЕВІЧ,
фота аўтара,
БЕЛТА.-0-
Падпісвайцеся на нас у
