Сцяг Пятніца, 29 сакавіка 2024
Усе навіны
Усе навіны
Палітыка
17 кастрычніка 2018, 09:50

Індыя вывучыць магчымасць прадастаўлення беларусам электронных віз

17 кастрычніка, Мінск /Кар. БЕЛТА/. Індыя вывучыць магчымасць прадастаўлення беларускім грамадзянам электронных віз. Размова аб неабходнасці далейшага спрашчэння ўмоў для ўзаемных паездак грамадзян дзвюх краін ішла на сустрэчы намесніка міністра замежных спраў Беларусі Андрэя Дапкюнаса з яго індыйскай калегай Ручы Гханашыям у Нью-Дэлі, паведамілі БЕЛТА ў прэс-службе МЗС.

Практыка кансультацый паміж МЗС з'яўляецца традыцыйным інструментам супрацоўніцтва Беларусі і Індыі для разгляду актуальных двухбаковых і міжнародных пытанняў. Папярэдні раўнд кансультацый быў праведзены ў Мінску ў лістападзе 2016 года.

У ходзе сустрэчы намеснікі міністраў замежных спраў Беларусі і Індыі абмеркавалі стан палітычнага і міжпарламенцкага дыялогу, эканамічнае і інвестыцыйнае супрацоўніцтва, міжрэгіянальнае ўзаемадзеянне, навукова-тэхнічныя, адукацыйныя і культурныя сувязі, развіццё дагаворна-прававой базы адносін паміж краінамі, супрацоўніцтва ў міжнародных арганізацыях і асобныя пытанні міжнароднага парадку дня.

Таксама разгледжана праграма і практычнае напаўненне ўзаемных візітаў на высокім узроўні на бліжэйшую перспектыву. Бакі абмеркавалі мэтазгоднасць магчымага пераводу кансультацый паміж МЗС Беларусі і Індыі з двухгадовай на штогадовую аснову. У кантэксце развіцця міжпарламенцкіх кантактаў абмеркавана магчымасць стварэння беларуска-індыйскай міжпарламенцкай групы дружбы. Беларуская частка будучай групы ўжо сфарміравана ў Нацыянальным сходзе.

Бакі дамовіліся аб прадаўжэнні дыялогу і наступных практычных кроках па распрацоўцы канцэпцыі беларуска-індыйскага вытворча-інвестыцыйнага кластара ў асаблівай эканамічнай зоне "Брэміна-Орша". Рашэнне аб стварэнні рабочай групы для дэталёвага абмеркавання тэмы прыняла беларуска-індыйская міжурадавая камісія па супрацоўніцтве ў галіне эканомікі, гандлю, прамысловасці, навукі, тэхналогій і культуры ў верасні 2018 года.

Індыя пацвердзіла падтрымку ўступлення Беларусі ў Сусветную гандлёвую арганізацыю. Разгледжаны магчымасці для развіцця ўзаемадзеяння дзвюх краін у рамках шматбаковых арганізацый, уключаючы ААН, Шанхайскую арганізацыю супрацоўніцтва і Рух недалучэння.-0-

Падпісвайцеся на нас у
Twitter
Топ-навіны
Свежыя навіны Беларусі