26 красавіка, Мінск /Кар. БЕЛТА/. Міністр абароны Віктар Хрэнін прыме ўдзел у пасяджэнні Савета міністраў абароны АДКБ, якое пройдзе ў Душанбэ 27 красавіка. Аб гэтым БЕЛТА паведамілі ў Міністэрстве абароны.
У пасяджэнні прымуць удзел кіраўнікі абаронных ведамстваў узброеных сіл дзяржаў - членаў АДКБ, а таксама генеральны сакратар АДКБ Станіслаў Зась. У адпаведнасці з парадкам дня бакі абмяркуюць шэраг пытанняў у ваеннай і ваенна-тэхнічнай сферах, абмяняюцца меркаваннямі наконт выклікаў і пагроз ваеннай бяспецы дзяржаў - членаў АДКБ і мер па іх нейтралізацыі.
Прынятыя ў рамках пасяджэння рашэнні будуць накіраваны на выпрацоўку агульных падыходаў і механізмаў па развіцці ваеннага складніка АДКБ.-0-
