ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Малавоблачна +26°C
Усе навіны
Усе навіны
Палітыка
30 мая 2022, 09:57

Хрэнін: Беларусь заўсёды ўносіла ўклад у падтрыманне міру і стабільнасці

Віктар Хрэнін. Фота з архіва
Віктар Хрэнін. Фота з архіва

30 мая, Мінск /Кар. БЕЛТА/. Рэспубліка Беларусь заўсёды падзяляла асноўныя прынцыпы ААН і ўносіла свой уклад у падтрыманне міру і стабільнасці, гаворыцца ў віншаванні міністра абароны Беларусі Віктара Хрэніна з нагоды Міжнароднага дня міратворцаў ААН, які адзначаўся 29 мая многімі дзяржавамі ў знак павагі да тых, хто служыў і прадаўжае служыць у крызісных рэгіёнах мірах, паведамляе БЕЛТА.

"Пачынаючы з моманту стварэння арганізацыі, наша краіна актыўна ўдзельнічала ў працэсах урэгулявання крызісных сітуацый шляхам шматбаковага дыялогу і міратворчай дзейнасці, тым самым ставячы мэту наладжвання дружалюбных міждзяржаўных адносін", - гаворыцца ў віншаванні.

З 2010 года беларускія ваеннаслужачыя прафесійна і з самааддачай выконваюць міратворчыя задачы ў місіі Часовых сіл ААН у Ліване, даказваючы зацікаўленасць Беларусі ва ўрэгуляванні крызісу і павышаючы аўтарытэт дзяржавы на міжнароднай арэне.

У бягучым годзе ваеннаслужачыя міратворчай роты 103-й асобнай гвардзейскай паветрана-дэсантнай брыгады прадэманстравалі высокі прафесіяналізм, аператыўнасць і пастаянную гатоўнасць да ўдзелу ў адказнай справе па падтрыманні міжнароднага міру і бяспекі ў Казахстане, тым самым умацаваўшы стабільнасць у Еўразійскім рэгіёне, адзначыў Віктар Хрэнін.

Паводле яго слоў, уклад беларускіх міратворцаў у справу міру садзейнічае выратаванню жыццяў людзей, аднаўленню краін, якія апынуліся ў крызіснай сітуацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі