ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -6°C
Усе навіны
Усе навіны
Палітыка
21 лістапада 2022, 15:16

"Гэта злачынцы і серыйныя забойцы". Рыбакоў аб ініцыятарах санкцый

Фота з архіва
Фота з архіва

21 лістапада, Мінск /Кар. БЕЛТА/. Санкцыі - эканамічны тэрарызм, спроба ўдушэння цэлых краін і народаў пад рознымі маркамі. Такое меркаванне ў эфіры тэлеканала "Беларусь 1" выказаў пастаянны прадстаўнік Беларусі пры ААН Валянцін Рыбакоў, паведамляе БЕЛТА.

"Гэта адзін з асноўных напрамкаў нашай работы цяпер у Арганізацыі Аб'яднаных Нацый на ўсіх узроўнях, на розных мерапрыемствах, у розных камітэтах і структурах арганізацыі - спроба звярнуць увагу на ўшчэрбнасць санкцыйнай палітыкі. На тое, да якіх наступстваў гэта палітыка незаконных санкцый, незаконных эканамічных блакад можа прывесці. Мы не стамляемся сцвярджаць, і я ў выступленнях заўсёды называю санкцыйны механізм эканамічным тэрарызмам. Гэта спроба эканамічнага ўдушэння цэлых краін, цэлых народаў пад рознымі маркамі. У прыватнасці, спробамі абвінаваціць шэраг дзяржаў, у тым ліку і нас, у парушэнні правоў чалавека", - сказаў Валянцін Рыбакоў.

Паводле яго слоў, санкцыі ўплываюць і на краіны Захаду. "На пасяджэнні Савета Бяспекі ААН адносна нядаўна я заявіў, што эканамічныя санкцыі, якія накладзены, напрыклад, на беларускія калійныя ўгнаенні, прывядуць да неўраджаяў і голаду ў цэлых краінах і нават рэгіёнах. Няхватка ўгнаенняў у будучым прывядзе да гібелі ад недаядання або голаду дзясяткаў мільёнаў чалавек. Называюцца канкрэтныя лічбы - да 40-50 млн чалавек дадаткова да натуральных смярцей. І гэта дае падставу абвінаваціць тыя дзяржавы, якія прыдумваюць санкцыі і рэалізуюць гэтыя санкцыі, не проста ў эканамічным удушэнні, а ў непасрэднай гібелі людзей. Я назваў гэтых людзей злачынцамі і серыйнымі забойцамі", - адзначыў пастаянны прадстаўнік Рэспублікі Беларусь пры ААН.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі