ДЗЯРЖОРГАНЫДЗЯРЖОРГАНЫ
Субота, 18 студзеня 2020
Мінск Воблачна з праясненнямі -2°C
Усе навіны
Усе навіны
Палітыка
09 кастрычніка 2019, 11:04

Германія падзяляе погляды Беларусі на забеспячэнне бяспекі ў Еўропе - пасол

Манфрэд Хутэрэр
Манфрэд Хутэрэр

9 кастрычніка, Мінск /Святлана Саўко - БЕЛТА/. Германія падзяляе погляды Беларусі на забеспячэнне бяспекі і стабільнасці ў Еўропе. Аб гэтым сёння заявіў пасол Германіі ў Беларусі Манфрэд Хутэрэр на сустрэчы са старшынёй Палаты прадстаўнікоў Уладзімірам Андрэйчанкам, перадае карэспандэнт БЕЛТА.

Пасол нагадаў, што напярэдадні ў беларускай сталіцы паспяхова завяршыўся форум "Мінскага дыялогу". "Мы падзяляем з Беларуссю многія погляды на тое, што датычыцца стабільнасці, бяспекі Еўропы", - падкрэсліў Манфрэд Хутэрэр. Нямецкі бок, паводле слоў дыпламата, удзячны Беларусі за падтрымку міру ў Еўропе. "У Беларусі шмат прапаноў па аслабленні канфліктаў, дээскалацыі, фарміраванні даверу ў Еўропе. Гэта вельмі важна", - адзначыў пасол.

У час сустрэчы Манфрэд Хутэрэр закрануў тэмы развіцця палітычнага, эканамічнага, гуманітарнага супрацоўніцтва дзвюх краін. Яны дынамічна і плённа развіваюцца. Паводле слоў пасла, нямецкі бок гэта радуе. Манфрэд Хутэрэр падкрэсліў, што яго задача як пасла - захаваць і ўмацаваць гэту дынаміку.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі