10 жніўня, Масква /Эдуард Півавар - БЕЛТА/. Генеральны сакратар Арганізацыі Дагавора аб калектыўнай бяспецы Станіслаў Зась павіншаваў Прэзідэнта Беларусі Аляксандра Лукашэнку з перамогай на выбарах, паведамляе БЕЛТА.
"За Вашай перамогай стаіць аўтарытэт, які вы здабылі шматгадовай працай на чале Беларусі, талент мэтанакіраванага і эфектыўнага палітычнага дзеяча", - падкрэсліў генеральны сакратар АДКБ.
Станіслаў Зась адзначыў, што Беларусь уносіць важкі ўклад у дзейнасць АДКБ і паслядоўна выступае з ініцыятывамі, накіраванымі на нарошчванне яе эфектыўнасці. "Неацэнныя тая ўвага і падтрымка, якія вы асабіста аказваеце АДКБ, Ваша роля ў наданні ёй большай дынамічнасці і павышэнні міжнароднага аўтарытэту", - дадаў генеральны сакратар АДКБ.-0-