Мабільная версія
ДЗЯРЖОРГАНЫ
Апошнія навіны
Усе навіны

Генконсульства Беларусі адкрылася ў Гуанчжоу

Палітыка 09.11.2018 | 09:00
Фота МЗС
Фота МЗС

9 лістапада, Мінск /Кар. БЕЛТА/. Цырымонія адкрыцця генеральнага консульства Беларусі ў горадзе Гуанчжоу (Кітай) адбылася ў час візіту намесніка міністра замежных спраў Беларусі Андрэя Дапкюнаса, паведамілі БЕЛТА ў прэс-службе МЗС Беларусі.

З кітайскага боку ў мерапрыемстве прынялі ўдзел намеснік губернатара правінцыі Гуандун Чжан Гуанцзюнь, прадстаўнікі МЗС Кітая, мясцовага бізнесу і грамадскасці.

На цырымоніі намеснік міністра адзначыў, што генконсульства стане сувязным мостам паміж органамі ўлады, бізнесам і грамадскасцю Беларусі і Кітая на рэгіянальным узроўні і будзе садзейнічаць падтрыманню высокай актыўнасці кантактаў паміж дзвюма краінамі.

Акрамя таго, Андрэй Дапкюнас абмеркаваў з кіраўніцтвам правінцыі Гуандун шляхі актывізацыі супрацоўніцтва паміж Беларуссю і паўднёвымі рэгіёнамі Кітая ў галінах турызму, спорту, інвестыцый, гандлю, культуры. Бакі выказалі гатоўнасць садзейнічаць актыўнаму падключэнню бізнесу як да праектаў двухбаковага супрацоўніцтва, так і да працэсаў сінхранізацыі эканамічнага развіцця дзвюх краін.

У час сустрэчы намесніка міністра замежных спраў Беларусі з кіраўніцтвам буйной кітайскай кампаніі Wens Foodstuff Group бакі абмеркавалі шляхі і праекты супрацоўніцтва ў галіне харчовай бяспекі і сельскай гаспадаркі.

У Гуанчжоу таксама адбыўся беларуска-кітайскі турыстычны форум з удзелам намесніка кіраўніка беларускага знешнепалітычнага ведамства, прадстаўнікоў кіраўніцтва Міністэрства спорту і турызму, філіяла "Белінтурыст", а таксама больш як 30 прадстаўнікоў турыстычнага бізнесу, органаў мясцовай улады правінцыі Гуандун і спецыяльнага адміністрацыйнага раёна Ганконг.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.