4 жніўня, Масква /Эдуард Півавар - БЕЛТА/. Генеральны сакратар Арганізацыі Дагавора аб калектыўнай бяспецы Станіслаў Зась заклікаў бакі канфлікту ў Нагорным Карабаху ўстрымлівацца ад прымянення сілы. Аб гэтым гаворыцца ў заяве генеральнага сакратара АДКБ у сувязі з абвастрэннем сітуацыі ў Нагорным Карабаху, паведамляе БЕЛТА.
"У Сакратарыяце АДКБ занепакоены інфармацыяй аб узброеных сутыкненнях, якія адбыліся ў Нагорным Карабаху і прывялі да чалавечых ахвяр. Выказваю глыбокія спачуванні родным і блізкім загінулых ваеннаслужачых. Заклікаем бакі канфлікту ўстрымлівацца ад прымянення сілы і выкарыстоўваць для пераадолення існуючых рознагалоссяў выключна дыпламатычныя метады", - падкрэсліваецца ў заяве.-0-
