24 мая, Мінск /Кар. БЕЛТА/. Прэм'ер-міністр Беларусі Раман Галоўчанка прыме ўдзел у пасяджэнні Савета кіраўнікоў урадаў СНД у Ашхабадзе (Туркменістан), паведамляе карэспандэнт БЕЛТА.
Паводле інфармацыі прэс-службы ўрада, у час рабочага візіту таксама плануецца сустрэча Рамана Галоўчанкі з прэзідэнтам Туркменістана Сердарам Бердымухамедавым у фармаце "сам-насам".
Паводле даных прэс-службы Выканкама СНД, у праекце парадку дня пасяджэння кіраўнікоў урадаў Садружнасці значацца 12 пытанняў. Традыцыйна ў вузкім фармаце члены савета абмяняюцца меркаваннямі па актуальных тэмах эканамічнага ўзаемадзеяння ў Садружнасці. У шырокім фармаце прапануецца абмеркаваць праекты канцэпцыі супрацоўніцтва ў сферы энергетыкі і плана першачарговых мерапрыемстваў па яе рэалізацыі, а таксама плана дзеянняў па аптымізацыі інфраструктуры і развіцці міжнародных транспартных калідораў, якія праходзяць па тэрыторыях дзяржаў - удзельніц СНД.
Акрамя таго, на пасяджэнні плануецца прыняць шэраг дакументаў, якія датычацца супрацоўніцтва ў галіне аховы здароўя, хімічнай прамысловасці, абыходжання з небяспечнымі адходамі і процідзеяння правапарушэнням у сферы інтэлектуальнай уласнасці. Яшчэ адно пытанне парадку дня Савета кіраўнікоў урадаў - аб'яўленне Ашхабада Горадам новых спартыўных магчымасцей Садружнасці.-0-
Паводле інфармацыі прэс-службы ўрада, у час рабочага візіту таксама плануецца сустрэча Рамана Галоўчанкі з прэзідэнтам Туркменістана Сердарам Бердымухамедавым у фармаце "сам-насам".
Паводле даных прэс-службы Выканкама СНД, у праекце парадку дня пасяджэння кіраўнікоў урадаў Садружнасці значацца 12 пытанняў. Традыцыйна ў вузкім фармаце члены савета абмяняюцца меркаваннямі па актуальных тэмах эканамічнага ўзаемадзеяння ў Садружнасці. У шырокім фармаце прапануецца абмеркаваць праекты канцэпцыі супрацоўніцтва ў сферы энергетыкі і плана першачарговых мерапрыемстваў па яе рэалізацыі, а таксама плана дзеянняў па аптымізацыі інфраструктуры і развіцці міжнародных транспартных калідораў, якія праходзяць па тэрыторыях дзяржаў - удзельніц СНД.
Акрамя таго, на пасяджэнні плануецца прыняць шэраг дакументаў, якія датычацца супрацоўніцтва ў галіне аховы здароўя, хімічнай прамысловасці, абыходжання з небяспечнымі адходамі і процідзеяння правапарушэнням у сферы інтэлектуальнай уласнасці. Яшчэ адно пытанне парадку дня Савета кіраўнікоў урадаў - аб'яўленне Ашхабада Горадам новых спартыўных магчымасцей Садружнасці.-0-
Падпісвайцеся на нас у
