30 лістапада, Мінск /Кар. БЕЛТА/. Прэм'ер-міністр Беларусі Раман Галоўчанка абмеркаваў у тэлефоннай размове са старшынёй урада Расіі Міхаілам Мішусціным гандлёва-эканамічныя адносіны Беларусі і РФ і антыкавідныя меры, якія прымаюцца ў краінах, паведамілі БЕЛТА ў прэс-службе беларускага ўрада.
"Кіраўнікі ўрадаў пацвердзілі гатоўнасць да ўмацавання гандлёва-эканамічных адносін па ўсім спектры супрацоўніцтва", - праінфармавалі ў прэс-службе.
Бакі закранулі бягучую эпідэміялагічную сітуацыю, абмяняліся думкамі аб мерах, якія прымаюцца ў дзвюх краінах для прадухілення распаўсюджвання COVID-19.
Прэм'ер-міністры таксама абмеркавалі графік маючых адбыцца кантактаў на ўрадавым узроўні і парадак дня пасяджэння Еўразійскага міжурадавага савета, якое адбудзецца 4 снежня ў фармаце відэаканферэнцыі.-0-
