15 ліпеня, Масква /Эдуард Півавар - БЕЛТА/. Беларускі бок рыхтуецца правесці 17 ліпеня ў Мінску пасяджэнне Еўразійскага міжурадавага савета ў вочным фармаце. Аб гэтым паведаміў 14 ліпеня журналістам па выніках візіту ў Маскву прэм'ер-міністр Беларусі Раман Галоўчанка, перадае карэспандэнт БЕЛТА.
"Мы з калегам (прэм'ер-міністрам Расіі. - Заўвага БЕЛТА) абмяркоўвалі гэта пытанне, пакуль усё рухаецца ў правільным напрамку. Мы рыхтуемся прыняць у вочным фармаце кіраўнікоў урадаў краін ЕАЭС", - сказаў Раман Галоўчанка.
Прэм'ер-міністр дадаў, што беларускі бок, які ў гэтым годзе старшынствуе ў органах Еўразійскага эканамічнага саюза, рыхтуецца вынесці на Еўразійскі міжурадавы савет важныя пытанні, што датычацца далейшага функцыянавання ЕАЭС. "Абсалютна практычныя пытанні, парадак дня насычаны, ён адпавядае тым рэаліям, якія цяпер складваюцца ў гандлёва-эканамічных адносінах", - падкрэсліў Раман Галоўчанка.-0-