ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Палітыка
24 студзеня 2023, 11:19

Гайдукевіч: міжпарламенцкае супрацоўніцтва Беларусі ў бягучым годзе будзе ўмацоўвацца і пашырацца

У час пасяджэння
У час пасяджэння

24 студзеня, Мінск /Кар. БЕЛТА/. Міжпарламенцкае супрацоўніцтва Беларусі ў гэтым годзе будзе ўмацоўвацца і пашырацца, заявіў журналістам дэпутат Палаты прадстаўнікоў, старшыня Ліберальна-дэмакратычнай партыі Беларусі (ЛДПБ) Алег Гайдукевіч на пасяджэнні Савета Палаты прадстаўнікоў, перадае карэспандэнт БЕЛТА.

"Здавалася б, нехта думае з нашых непрыяцеляў, што яны санкцыі ўвялі, і ў нас міжпарламенцкае, міждзяржаўнае супрацоўніцтва недзе стала менш. Не, яно стала больш, і план, які ўжо ў нас гатовы для работы ў бягучым годзе, аб гэтым сведчыць вельмі яскрава. Першая частка плана - гэта работа ў рамках Саюзнай дзяржавы, СНД, Еўразійскага эканамічнага саюза. Гэта вялікая колькасць мерапрыемстваў, у тым ліку і канкрэтных міжпарламенцкіх, накіраваных на развіццё інтэграцыйных працэсаў, у тым ліку ў эканоміцы, палітыцы, сацыяльнай сферы", - сказаў Алег Гайдукевіч.

Другі вектар - далёкае замежжа. "Гэта Афрыка, Блізкі Усход, краіны Сярэднеазіяцкага рэгіёна. Прычым гэта і міжпарламенцкае супрацоўніцтва, і абмен дэлегацыямі, і канкрэтныя напрамкі работы ў эканоміцы, палітыцы. Але і самае дзіўнае (можа нехта здзівіўся, а на самай справе нічога дзіўнага няма), бо з Еўрапейскім саюзам адносіны ў нас усё роўна прадаўжаюцца. Еўропа вельмі розная. Палітычныя сілы, якія там прадстаўлены, таксама вельмі розныя. І шэраг палітыкаў, парламентарыяў хочуць узаемадзейнічаць з беларускім парламентам і ўзаемадзейнічаюць цяпер. Таму і ў гэтым напрамку ў нас вялікі пласт мерапрыемстваў", - адзначыў дэпутат.

"Таму міжпарламенцкае супрацоўніцтва будзе расці ў бягучым годзе. Яно будзе ўмацоўвацца з улікам напрамкаў, якія задаў Прэзідэнт", - канстатаваў Алег Гайдукевіч.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі