17 сакавіка, Мінск /Кар. БЕЛТА/. Міністр замежных спраў Рэспублікі Беларусь Сяргей Алейнік 16 сакавіка прыняў прадстаўніка індыйскай фармацэўтычнай кампаніі CIPLA Лаліта Чахані. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
Бакі абмеркавалі перспектывы развіцця двухбаковага гандлёва-эканамічнага і інвестыцыйнага супрацоўніцтва, уключаючы рэалізацыю сумесных праектаў у сферы фармацэўтыкі, паставак сыравіны і матэрыялаў, прамысловага, навуковага і тэхнічнага абсталявання для мадэрнізацыі беларускай фармацэўтычнай галіны.
"Асобная ўвага на сустрэчы была ўдзелена ходу рэалізацыі праекта па стварэнні на базе дзяржаўнага прадпрыемства "Акадэмфарм" навукова-практычнага цэнтра імя доктара Юсуфа Хаміда", - гаворыцца ў паведамленні МЗС.-0-
