25 красавіка, Мінск /Кар. БЕЛТА/. Санкцыйнае процістаянне прывядзе да сур'ёзнай хвалі інфляцыі ў краінах Захаду, заявіў у эфіры тэлеканала "Беларусь 1" дацэнт кафедры палітычнай эканоміі эканамічнага факультэта МДУ Максім Чыркоў, паведамляе БЕЛТА.
"Зніжэнне ўзроўню жыцця ў краінах Захаду сапраўды будзе крытычным. На сённяшні дзень мы бачым даныя аб рэзкім павелічэнні інфляцыі ў краінах Захаду. Акрамя таго, відавочна, што яны перайшлі да заніжэння інфляцыі. Паводле незалежных падлікаў, інфляцыя ў ЗША ўжо большая за 16 працэнтаў гадавых. І гэта вельмі сур'ёзныя амерыканскія даследаванні. Відаць, цяперашняе санкцыйнае процістаянне прывядзе да вельмі сур'ёзнай хвалі інфляцыі. Мы гэта бачым па рэзкім росце цэн на нафту, прадукты харчавання", - расказаў Максім Чыркоў.
Эксперт канстатаваў: падаражанне фактычна будзе па ўсіх відах тавараў. "Я не выключаю, што 2022 год будзе годам, калі інфляцыя ў краінах Захаду сур'ёзна перасягне, дапусцім, тое, што мы маем у Расіі. Усе перадумовы для гэтага ёсць", - дапоўніў ён.-0-
