27 лютага, Мінск /Кар. БЕЛТА/. Беларусам важна разважліва ацэньваць, што мы знаходзімся ў той стадыі навейшай гісторыі, калі трэба рабіць правільны выбар. Аб гэтым заявіў карэспандэнту БЕЛТА тэлевядучы, дзяржаўны і палітычны дзеяч, дэпутат Палаты прадстаўнікоў Нацыянальнага сходу сёмага склікання Тэнгіз Думбадзэ.
Паводле слоў грамадскага дзеяча, будучае залежыць ад рэферэндуму: "Мы чарговы раз скажам усяму свету, што мы, беларусы, незалежная краіна, якая вядзе незалежную палітыку. Мы заўсёды былі і будзем за мір, але нам неабыякава ўсё, што адбываецца вакол нас. Падабаецца гэта камусьці ці не. Геапалітыка нас падцягвае да вялікіх падзей. Паверце, сёння акрамя рэферэндуму трэба думаць яшчэ і аб тым, якім свет будзе заўтра", - адзначыў Тэнгіз Думбадзэ.
Палітычны дзеяч упэўнены: ад кожнага з нас залежыць, якім будзе дзень сённяшні і заўтрашні. Калі мы хочам дастойнай будучыні нашым дзецям, каб яны жылі ў сваёй краіне, цяпер самы час зрабіць правільны выбар.-0-
