Мабільная версія
ДЗЯРЖОРГАНЫ

Апошнія навіны
Усе навіны

Экс-паслу Расіі ў Беларусі Сурыкаву ўручаны ордэн Пашаны

Палітыка 08.02.2019 | 10:40
Аляксандр Сурыкаў. Фота пасольства Беларусі ў Расіі
Аляксандр Сурыкаў. Фота пасольства Беларусі ў Расіі

8 лютага, Масква /Эдуард Півавар - БЕЛТА/. Беларускі ордэн Пашаны ўручаны 7 лютага ў Маскве былому паслу Расіі ў Беларусі Аляксандру Сурыкаву. Урачыстая цырымонія адбылася ў дзелавым і культурным комплексе пасольства Беларусі ў Расіі, перадае карэспандэнт БЕЛТА.

У адпаведнасці з указам Прэзідэнта Беларусі, Аляксандр Сурыкаў удастоены гэтай высокай узнагароды за значны асабісты ўклад у развіццё беларуска-расійскіх інтэграцыйных і двухбаковых сувязей, умацаванне саюзніцкіх адносін і стратэгічнага партнёрства паміж Беларуссю і Расіяй.

Уручаючы ордэн, Надзвычайны і Паўнамоцны Пасол Беларусі ў Расіі Уладзімір Сямашка сказаў, што Аляксандр Сурыкаў з'яўляецца паслядоўным і актыўным прыхільнікам умацавання ўсяго спектра беларуска-расійскага супрацоўніцтва, развіцця саюзнага будаўніцтва і інтэграцыйнага ўзаемадзеяння. "Яго пазіцыя заўсёды была прынцыповай, іншым разам даволі вострай", - адзначыў дыпламат. Ён падкрэсліў, што на працягу 12 гадоў работы ў Мінску Аляксандр Сурыкаў праводзіў актыўную работу па паглыбленні двухбаковага партнёрства, забеспячэнні роўнасці правоў беларусаў і расіян, умацаванні дружбы паміж двума братэрскімі народамі.

Аляксандр Сурыкаў выказаў удзячнасць Беларусі і яе Прэзідэнту Аляксандру Лукашэнку за высокую ацэнку сваёй работы. "Я заўсёды адчуваў у Беларусі сябе як дома, уражанні ад работы засталіся вельмі добрыя", - падзяліўся Аляксандр Сурыкаў. Ён таксама выказаў гатоўнасць і ў далейшым аказваць любую дапамогу ў справе развіцця беларуска-расійскіх адносін.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.