Сцяг Пятніца, 29 сакавіка 2024
Усе навіны
Усе навіны
Палітыка
18 лістапада 2021, 09:00

Эйсмант: на перагаворах Лукашэнкі з Меркель санкцыі і "прызнанне" не абмяркоўваліся

18 лістапада, Мінск /Кар. БЕЛТА/. Кіраўнік беларускай дзяржавы Аляксандр Лукашэнка не абмяркоўваў з в.а. канцлера Германіі Ангелай Меркель санкцыі і "прызнанне", гэта было б ніжэй за яго годнасць, заявіла РІА Навіны прэс-сакратар Прэзідэнта Беларусі Наталля Эйсмант, паведамляе БЕЛТА.

Раней міністр замежных спраў Эстоніі Эва-Марыя Лійметс заявіла, што Аляксандр Лукашэнка выставіў умовай спынення міграцыйнага крызісу на межах ЕС прызнанне яго Прэзідэнтам і скасаванне санкцый. Нібыта гэту ўмову беларускі Прэзідэнт агучыў Меркель у час тэлефоннай размовы ў панядзелак.

"Было б ніжэй за годнасць Прэзідэнта Лукашэнкі ўзнімаць у ходзе размовы такія пытанні або выстаўляць такія ўмовы. Ні аднаго слова аб санкцыях і тым больш аб нейкім "прызнанні" ў ходзе размоў сказана не было. Тым больш што для беларускага грамадства, якое выбрала Лукашэнку Прэзідэнтам краіны, такога пытання не існуе", - сказала Наталля Эйсмант.

Паводле яе слоў, заява кіраўніка МЗС Эстоніі "азначае, што аб тым працэсе, які цяпер ідзе па вырашэнні праблемы бежанцаў, у Эстоніі ў прынцыпе нічога не ведаюць і нічога ў ім не значаць".

"Кіраўніку МЗС Эстоніі варта было б мець на ўвазе, што стэнаграмы гэтых размоў захоўваюцца як у нас, так і ў Германіі. Няхай звяртаюцца да партнёраў па Еўрасаюзе, там ім, магчыма, прадаставяць праўдзівую інфармацыю", - падкрэсліла Наталля Эйсмант.-0-

Падпісвайцеся на нас у
Twitter
Топ-навіны
Свежыя навіны Беларусі