ДЗЯРЖОРГАНЫДЗЯРЖОРГАНЫ
Субота, 31 кастрычніка 2020
Мінск Суцэльная воблачнасць +9°C
Усе навіны
Усе навіны
Палітыка
18 верасня 2020, 12:13

Дзермант: заходнія суседзі расцэньваюць Беларусь як здабычу, хоць яна старалася выбудоўваць адносіны

Аляксей Дзермант. Фота з архіва
Аляксей Дзермант. Фота з архіва

18 верасня, Мінск /Кар. БЕЛТА/. Беларусь стараецца выбудоўваць з заходнімі суседзямі ўзаемавыгадныя адносіны, але яны глядзяць на яе як на здабычу. Такое меркаванне выказаў палітолаг Аляксей Дзермант у праграме "Маркаў. Нічога асабістага" на тэлеканале АНТ, паведамляе карэспандэнт БЕЛТА.

"Мы заўсёды стараліся выбудоўваць узаемавыгадныя адносіны з суседзямі, дасягаць узаемаразумення. Але справа ў тым, што яны, асабліва заходнія, глядзелі на нас як на здабычу. І як толькі яны вырашылі, што мы слабеем, учапіліся і спрабуюць адарваць ад нас як мага больш рэсурсаў. Аднак мы выстаялі, сістэма апынулася моцнай. Яны самі, напэўна, не падлічылі ўсё. Але мы таксама вывады з гэтага ўсяго зробім", - сказаў Аляксей Дзермант.

Палітолаг адзначыў, што Польшча адпрацоўвала адну з галоўных ролей. Там на працягу некалькіх гадоў стваралася медыйная, гуманітарная і адукацыйная інфраструктура, якая цяпер выкарыстоўваецца для расхістання сітуацыі ў Беларусі.

Літва, на думку эксперта, старалася ўздзейнічаць на Беларусь па дыпламатычных каналах, спрабуючы пасварыць яе з Еўрасаюзам і заблакіраваць запуск БелАЭС - па сутнасці, спыніць развіццё Беларусі. Аднак гэта была не адзіная яе мэта, лічыць Аляксей Дзермант. "У іх вельмі моцны месіянскі комплекс. Яны пашыраюць ідэю, што выбар заходняга шляху, што іх прыклад - гэта адзіны, універсальны, і беларусы павінны па ім пайсці, успамінаюць ВКЛ, - растлумачыў ён. - На самай справе гэта скрыты літоўскі імперыялізм. На каго яшчэ накіроўваць свае амбіцыі, калі на Захадзе ў іх заштатная роля, а тут яны адчуваюць: "Мы на краі барацьбы за заходнія каштоўнасці, дэмакратыю, будзем даймаць беларусаў".

Вядучы праграмы кіраўнік тэлеканала АНТ Марат Маркаў у сваю чаргу заўважыў, што трэць насельніцтва Літвы выехала на заработкі ў больш развітыя дзяржавы, цяпер гэта краіна з'яўляецца датацыйнай. "Яны разлічваюць, што беларусы паедуць да іх і будуць таннай рабочай сілай, якая замесціць літоўцаў", - адказаў яму госць перадачы.

Аляксей Дзермант таксама звярнуў увагу, што на захадзе даўно навучыліся размяркоўваць ролі паміж краінамі, калі размова ідзе пра спробу паўплываць на іншую дзяржаву. "У іх ёсць дыферэнцыяцыя - хто больш умераны, хто больш дыпламатычны. Але ёсць ланцужныя сабакі або гіены - іх не шкада, яны на перадавой. Больш таго, яны самі з ахвотай прымяраюць на сябе гэту ролю, думаюць, што гэта і ёсць іх місія. І, вядома, думаюць на гэтым зарабіць", - падкрэсліў палітолаг.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі