ДЗЯРЖОРГАНЫДЗЯРЖОРГАНЫ
Флаг Панядзелак, 6 снежня 2021
Мінск -2°C
Усе навіны
Усе навіны
Палітыка
08 кастрычніка 2021, 13:46

Дзермант аб рэзалюцыі Еўрапарламента: яна накіравана на расхістванне нашых адносін з Расіяй

Аляксей Дзермант. Фота з архіва
Аляксей Дзермант. Фота з архіва

8 кастрычніка, Мінск /Кар. БЕЛТА/. Рэзалюцыя Еўрапарламента па Беларусі накіравана на расхістванне нашых адносін з Расіяй. Аб гэтым у эфіры "Альфа Радыё" заявіў палітолаг Аляксей Дзермант, паведамляе БЕЛТА са спасылкай на sb.by.

Каменціруючы тое, што дэпутаты Еўрапейскага парламента абвінавацілі Расію ў дачыненні да міграцыйнага крызісу на граніцах Саюзнай дзяржавы з ЕС, эксперт адзначыў, што хутчэй за ўсё гэта спроба праз Расію на нас паўплываць. "У Еўропе хочуць напалохаць расійскае кіраўніцтва санкцыямі, абвінавачаннямі, каб яно ў адносінах да нас таксама прымяніла націск або паспрабавала нас у чымсьці пераканаць. Хоць Уладзімір Пуцін на сустрэчы з Аляксандрам Лукашэнкам вельмі дакладна і празрыста даў зразумець, што, калі ў вас праблемы з Беларуссю, вырашайце іх з Беларуссю. Усё гэта накіравана на тое, каб расхістваць нашы адносіны. І ў рэзалюцыях Еўрапарламента так прама і адзначаецца, што трэба процідзейнічаць інтэграцыйнаму працэсу паміж Беларуссю і Расіяй", - сказаў Аляксей Дзермант.

Паводле яго слоў, на Захадзе лічаць, што іх саюзы правільныя, у іх дэмакратыя, а ўсім астатнім аб'ядноўвацца нельга. "Высакамерны падыход у адносінах да ўсіх астатніх. Вядома, з такімі ўстаноўкамі яны не тое што з суседзямі нармальных адносін не будуць мець, але і ўнутры. Усе бачаць, што Еўрасаюз далёка не ідэальны і не з'яўляецца эталонам інтэграцыйных аб'яднанняў, там ёсць сур'ёзныя супярэчнасці. Яны бачаць канкурэнтаў у іншых. І ставяцца да іншых эгаістычна і непаважліва. Нам, калі мы лічым сябе самастойнымі, ганарымся і даражым сваім суверэнітэтам, трэба думаць аб сваіх інтарэсах і выгадзе. Мы гэты інтарэс бачым у саюзе з Расіяй, што апраўдана, лагічна і даказана часам", - падкрэсліў палітолаг.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі