Фота прэс-службы Прэзідэнта Таджыкістана
4 лістапада, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка 3 лістапада ўручыў даверчыя граматы Прэзідэнту Рэспублікі Таджыкістан Эмамалі Рахмону. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
У ходзе размовы Эмамалі Рахмон выказаў задавальненне беларуска-таджыкскімі аносінамі, якія цяпер дынамічна развіваюцца, і падкрэсліў, што Таджыкістан надае асаблівае значэнне далейшаму пашырэнню дружалюбных сувязей і шматпланавага супрацоўніцтва з Рэспублікай Беларусь.
Прэзідэнт Таджыкістана пажадаў паслу Беларусі ўдачы ў далейшым умацаванні ўзаемаадносін паміж дзвюма краінамі.-0-
