14 чэрвеня, Мінск /Кар. БЕЛТА/. Два ўчасткі будуць адкрыты ў Мінску 18 чэрвеня для галасавання на выбарах прэзідэнта Ірана. Аб гэтым карэспандэнту БЕЛТА паведамілі ў дыпламатычнай місіі Ісламскай Рэспублікі Іран у Беларусі.
"Пасольства Ірана інфармуе, што 18 чэрвеня ў Ісламскай Рэспубліцы Іран адбудуцца 13-я прэзідэнцкія выбары. На тэрыторыі Рэспублікі Беларусь будуць адкрыты два ўчасткі для галасавання", - гаворыцца ў паведамленні.
Адзін участак будзе працаваць у пасольстве Ісламскай Рэспублікі Іран у Мінску, другі - у галоўным корпусе БДМУ па адрасе пр-т Дзяржынскага, 83.
Участкі будуць адкрыты з 8.00 да 20.00.-0-