ДЗЯРЖОРГАНЫДЗЯРЖОРГАНЫ
Флаг Субота, 3 снежня 2022
Мінск Суцэльная воблачнасць -4°C
Усе навіны
Усе навіны
Палітыка
02 чэрвеня 2022, 12:43

Драздзенка: тэрміналы Ленінградскай вобласці гатовы ўжо сёння перадаць магутнасці пад кіраванне Беларусі

Аляксандр Драздзенка
Аляксандр Драздзенка

2 чэрвеня, Мінск /Кар. БЕЛТА/. Тэрміналы Усць-Лугі гатовы ўжо сёння перадаць частку партовых магутнасцей пад кіраванне Беларусі. Аб гэтым расказаў журналістам губернатар Ленінградскай вобласці Расіі Аляксандр Драздзенка пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Яшчэ ў час сустрэчы ў 2020 годзе Аляксандр Лукашэнка прапанаваў губернатару Ленінградскай вобласці пабудаваць у порце Усць-Лугі тэрмінал для беларускіх грузаў. У лютым стала вядома, што гэты праект будзе рэалізаваны за кошт прыватных інвестыцый. Але будаўніцтва зойме не адзін год. Пакуль жа беларускія грузы будуць адгружацца ў дзеючых тэрміналах Усць-Лугі.

"Я крыху прыадкрыю заслону, таму што не гатовы і не маю пакуль права гаварыць падрабязнасці. Мы разгледзелі камбінаваны варыянт. Беларускія спецыялісты паглядзелі ўжо зямельныя ўчасткі, на якіх можна будаваць уласныя партовыя збудаванні. Называліся вельмі сціслыя тэрміны будаўніцтва. А паралельна выкарыстоўваць існуючыя тэрміналы. І мы назвалі некалькі тэрміналаў, якія гатовы ўжо сёння заключыць пагадненні, дагаворы аж да перадачы, можа, нават часткі тэрыторыі, часткі партовых магутнасцей у кіраванне беларускаму боку, каб ужо сёння пайшлі адгрузкі", - расказаў Аляксандр Драздзенка.

Паводле слоў губернатара, адгрузкі неабходна пачынаць хутка: "Гэта стратэгічнае развіццё не толькі Беларусі. Гэта стратэгічнае развіццё і Расіі, і Беларусі. Мы ўсё гэта разумеем".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі