12 сакавіка, Мінск /Кар. БЕЛТА/. Інфармацыя аб паветраных ударах па тэрыторыі Беларусі - чарговая правакацыя ўкраінскага боку. Аб гэтым БЕЛТА паведамілі ў Дзяржпагранкамітэце.
"Звесткі, паведамленыя афіцыйнымі асобамі Украіны і ў далейшым распаўсюджаныя рознымі інфармацыйнымі рэсурсамі аб нанясенні паветраных удараў расійскай авіяцыяй па тэрыторыі Беларусі, не адпавядаюць рэчаіснасці, - расказалі ў ДПК. - Населены пункт Копані знаходзіцца ў Столінскім раёне непасрэдна каля граніцы з Украінай. Пагранічнымі нарадамі Рэспублікі Беларусь, якія ажыццяўляюць нясенне службы на гэтым напрамку, гукі ўзрываў не фіксаваліся. Таксама на тэрыторыі Беларусі не знойдзена разбурэнняў на мясцовасці".
У ведамстве падкрэслілі, гэты інфармацыйны ўкід з'яўляецца не больш чым дэзынфармацыяй і чарговай спробай украінскага боку ажыццявіць правакацыю.
"Для атрымання поўных і дакладных звестак рэкамендуем звяртацца да афіцыйных крыніц інфармацыі Рэспублікі Беларусь", - дадалі ў ДПК.-0-
