18 чэрвеня, Мінск /Кар. БЕЛТА/. Палата прадстаўнікоў на чарговым пасяджэнні 19 чэрвеня разгледзіць у першым чытанні папраўкі ў законы па пытаннях медыяцыі, якія накіраваны на ўдасканаленне і папулярызацыю гэтага інстытута ў Беларусі, паведамілі БЕЛТА ў прэс-службе Палаты прадстаўнікоў.
У пералік пытанняў пасяджэння Палаты прадстаўнікоў уключаны 14 законапраектаў. У першым чытанні плануецца разгледзець таксама змяненні ў законы, якія датычацца натарыяльнай дзейнасці, грамадзянскіх аспектаў міжнароднага выкрадання дзяцей, папраўкі ў закон аб аказанні псіхіятрычнай дапамогі.
Чакаецца другое чытанне законапраекта аб змяненні закона аб санітарна-эпідэміялагічнай стабільнасці насельніцтва, паправак у закон аб дзяржаўных узнагародах. Акрамя таго, на парадку дня ратыфікацыя шэрага міжнародных дагавораў.
Як паведамлялася, папраўкі ў законы па пытаннях медыяцыі прадугледжваюць, што бакам грамадзянскага працэсу будуць вяртаць дзяржпошліну пасля медыятыўнага пагаднення. Цяпер гэта практыкуецца ў гаспадарчых працэсах. Гэтыя і ўсе астатнія нормы законапраекта нацэлены на тое, каб папулярызаваць медыяцыю, пасадзейнічаць больш шырокаму яе ўкараненню.-0-