17 лістапада, Мінск /Кар. БЕЛТА/. Сітуацыя з бежанцамі на беларуска-польскай граніцы палітызавана. Аб гэтым у эфіры "Беларусь 1" заявіў член Пастаяннай камісіі па міжнародных справах Палаты прадстаўнікоў Павел Папко, паведамляе БЕЛТА.
"Еўропа спрабуе прадставіць існуючую сітуацыю як міграцыйны крызіс. А мы як міжнародная камісія выязджалі, вывучалі сітуацыю, размаўлялі з бежанцамі, і мы выразна бачым, што людзі імкнуцца ў Германію. Людзі імкнуцца збегчы ад вайны. Мільёны мігрантаў трапляюць у ЕС штогод праз Грэцыю, Італію. Сёння мы дакладна разумеем, што сітуацыя палітызавана, і ў гэтым ёсць жаданне Еўропы дэманізаваць нашу краіну праз гэты крызіс на граніцы", - расказаў Павел Папко.
Дэпутат адзначыў, што сёння на граніцы знаходзяцца мірныя жыхары. "Палякі пабудавалі загароду, ваенных выставілі, сёння ўжо там чатыры вадамёты стаіць перад людзьмі, якія спяць кожны дзень з дзецьмі на бетоне. Гэта людзі, якія імкнуцца туды, дзе заявілі аб дэмакратыі, аб сапраўдных каштоўнасцях, калі ўводзілі сваіх ваенных, калі мільёны еўра з бюджэту трацілі на тое, каб "данесці дэмакратыю" ў Афганістан, Ірак, іншыя краіны", - дадаў ён.-0-
