23 чэрвеня, Мінск /Кар. БЕЛТА/. Беларусь гатова абмяркоўваць з Італіяй ініцыятывы, накіраваныя на карысць жыхароў нашых краін. Такое меркаванне выказаў дэпутат Палаты прадстаўнікоў Беларусі Ігар Завалей на сустрэчы з членам італьянскага Сената Эмануэле Дэсі. Мерапрыемства прайшло анлайн па ініцыятыве італьянскага парламентарыя, паведамляе БЕЛТА.
Удзельнікі сустрэчы абмеркавалі двухбаковае супрацоўніцтва ў гуманітарнай сферы, у тым ліку магчымасць аднаўлення праграмы салідарнасці па часовым прыёме непаўналетніх грамадзян Беларусі ў сем'ях з Італіі.
Асобнай тэмай стала праблема санкцыйнага націску на нашу краіну, а таксама недружалюбныя дзеянні краін Еўрасаюза ў адносінах да Беларусі і ўплыў такой недальнабачнай палітыкі на жыхароў кантынента.
У сустрэчы таксама прыняў удзел дэпутат Палаты прадстаўнікоў Сяргей Клішэвіч.-0-
