Мабільная версія
ДЗЯРЖОРГАНЫ

Апошнія навіны
Усе навіны

Дапкюнас і кіраўнік місіі ШАС абмеркавалі арганізацыю міжнароднага назірання за выбарамі ў парламент

Палітыка 16.11.2019 | 19:18

16 лістапада, Мінск /Аліна Грышкевіч - БЕЛТА/. Намеснік міністра замежных спраў Беларусі Андрэй Дапкюнас сустрэўся з намеснікам генеральнага сакратара Шанхайскай арганізацыі супрацоўніцтва Се Сяаюнам, які знаходзіцца ў краіне на чале місіі наглядальнікаў ШАС за выбарамі ў Палату прадстаўнікоў Нацыянальнага сходу, паведамілі карэспандэнту БЕЛТА ў знешнепалітычным ведамстве.

Субяседнікі абмеркавалі шырокі комплекс пытанняў, звязаных з удзелам місіі ШАС у назіранні за парламенцкімі выбарамі ў Беларусі. Замежны госць падрабязна праінфармаваў аб дзейнасці місіі, а таксама аб назапашаным інстытуцыянальным вопыце арганізацыі ў галіне электаральнага маніторынгу: ШАС за 15 гадоў правяла 49 наглядальных місій.

Колькасць наглядальнікаў ад Шанхайскай арганізацыі супрацоўніцтва на цяперашніх парламенцкіх выбарах у Беларусі ўдвая большая за місіі наглядальнікаў, якія накіроўваліся раней.

На сустрэчы намеснік міністра і намеснік генеральнага сакратара таксама абмяняліся думкамі аб шляхах далейшага паглыблення супрацоўніцтва Беларусі і ШАС. Рэспубліка мае статус краіны-наглядальніка пры арганізацыі з 2015 года. Прэзідэнт Беларусі і кіраўнік беларускага ўрада традыцыйна прымаюць удзел у яе самітах.

Андрэй Дапкюнас адзначыў, што пры вызначэнні шляхоў павышэння аддачы ад дзейнасці ШАС і ўмацавання яе аўтарытэту ў свеце важна зыходзіць з разумення шматмернай сутнасці міжнароднай бяспекі. На яго думку, калі колькасць дакументаў, прынятых у ШАС за час існавання арганізацыі, адлюстроўвае належную ўвагу краін-сяброў да яе ваенна-палітычнага вымярэння, то разам з гэтым іншыя аспекты тэмы міжнароднай бяспекі ўяўляюць сабой вельмі перспектыўнае поле для ўвагі і распрацоўкі шматбаковых партнёрскіх намаганняў.

У гэтым кантэксце намеснік кіраўніка знешнепалітычнага ведамства звярнуў увагу субяседніка на ўзнятыя Прэзідэнтам Беларусі Аляксандрам Лукашэнкам на самітах ШАС у 2018-2019 гадах тэмы неабходнасці забеспячэння харчовай бяспекі ў ШАС, мэтазгоднасці ўмацавання эканамічнага вымярэння дзейнасці арганізацыі, развіцця ІТ-экасістэмы ШАС, стварэння механізма абмену вопытам і ўзаемадзеяння па пытаннях атамнай энергетыкі і ядзернай бяспекі.

Андрэй Дапкюнас выказаў прапанову аб мэтазгоднасці арганізацыі ў час міжнароднага ІТ-форуму ў 2020 годзе ў Кітайска-беларускім індустрыяльным парку "Вялікі камень" спецыялізаванай тэматычнай дыскусіі, прысвечанай вопыту развіцця ІТ-галіны ў краінах - сябрах ШАС і іх падыходам да выклікаў, звязаных з працэсам інфармацыйна-лічбавай глабалізацыі.

На сустрэчы субяседнікі таксама дамовіліся аб сумесных намаганнях Беларусі і сакратарыята ШАС у плане павышэння інфармаванасці грамадства, у першую чаргу моладзі, аб дзейнасці арганізацыі, у тым ліку праз удзел у адукацыйным праекце "Мадэль ШАС".-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.