ДЗЯРЖОРГАНЫДЗЯРЖОРГАНЫ
Флаг Панядзелак, 24 студзеня 2022
Мінск Суцэльная воблачнасць -14°C
Усе навіны
Усе навіны
Палітыка
05 лістапада 2021, 16:33

Брыч: прынятыя інтэграцыйныя праграмы ўмацуюць суверэнітэт СД на міжнароднай арэне

5 лістапада, Мінск /Кар. БЕЛТА/. Прынятыя інтэграцыйныя праграмы ўмацуюць суверэнітэт Саюзнай дзяржавы на міжнароднай арэне. Такое меркаванне БЕЛТА выказаў старшыня Пастаяннай камісіі па эканамічнай палітыцы Палаты прадстаўнікоў Леанід Брыч, каменціруючы вынікі ВДС.

"Учора Вышэйшы дзяржаўны савет Саюзнай дзяржавы прыняў 28 праграм інтэграцыі, над якімі палітыкі працавалі каля трох гадоў. Беларусь і Расія дасягнулі дамоўленасцей па пытаннях гандлёва-эканамічнага, абароннага і міграцыйнага супрацоўніцтва, а таксама па некаторых іншых напрамках сумеснай работы. Мяне як старшыню Пастаяннай камісіі па эканамічнай палітыцы вельмі ўзрадаваў факт дасягнутага кансэнсусу ў развіцці сумеснай эканамічнай прасторы, якая дасць магчымасць нашым краінам ствараць аднолькавыя ўмовы вядзення бізнесу, - адзначыў Леанід Брыч. - Гэта датычыцца прыняцця адзіных правіл паставак прадукцыі на рынак Саюзнай дзяржавы. Тут нельга абысціся без выпрацоўкі агульных прынцыпаў падаткаабкладання і гарманізацыі заканадаўства ў мытнай сферы. Лічу, гэта будзе садзейнічаць росту тавараабароту, што з'яўляецца ўзаемавыгадным у сучасных пандэмічных рэаліях і пры санкцыйным націску Захаду".

Парламентарый выказаў надзею, што прынятыя інтэграцыйныя праграмы ў рамках Саюзнай дзяржавы дадуць магчымасць у бліжэйшы час перайсці ад тэарэтычных абмеркаванняў і прыняцця міжнародных дагавораў у практычную плоскасць, што ўмацуе суверэнітэт Саюзнай дзяржавы на міжнароднай арэне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі