Скрыншот відэа un.org
19 сакавіка, Мінск /Кар. БЕЛТА/. Захад хоча ўзяць рэванш за тое, што не атрымалася ўзарваць палітычную сістэму ў Беларусі ў 2020 годзе, і ўзмацняе націск на нашу краіну. Аб гэтым заявіла пастаянны прадстаўнік Рэспублікі Беларусь пры Аддзяленні ААН і іншых міжнародных арганізацыях у Жэневе Ларыса Бельская, выступаючы 19 сакавіка ў час дыялогу з групай незалежных экспертаў па сітуацыі з правамі чалавека ў Беларусі, паведамляе БЕЛТА.
Дыялог адбыўся ў рамках 58-й сесіі Савета ААН па правах чалавека (СПЧ). "Пяць гадоў прайшло з прэзідэнцкіх выбараў у Беларусі ў 2020 годзе, якія Захад спрабаваў выкарыстаць, каб узарваць палітычную сістэму і стварыць хаос у краіне. Не атрымалася. Але хочацца ўзяць рэванш. Узмацненне націску на Беларусь пацвярджае гэту ацэнку", - сказала Ларыса Бельская.
Яна адзначыла, што беларускае грамадства і дзяржава выстаялі ў 2020 годзе, выстаяць і цяпер. "Краіна развіваецца, упэўнена рухаецца па шляху прагрэсу. У ходзе нядаўніх прэзідэнцкіх выбараў народ Беларусі пацвердзіў свой выбар на карысць стабільнасці", - падкрэсліла беларускі дыпламат.
"Народ Беларусі цэніць тое, што дзяржава прыкладае максімум намаганняў, каб забяспечыць сваім грамадзянам мір і працвітанне, магчымасць найлепшым чынам рэалізаваць свае правы, свабоды і патэнцыял ва ўсіх сферах жыцця. Гэту палітыку падтрымліваюць сотні НУА і сотні прафсаюзных арганізацый, якія вырашаюць рэальныя праблемы і абараняюць правы людзей, не проціпастаўляючы сябе дзяржаве", - канстатавала Ларыса Бельская.
Пастаянны прадстаўнік Беларусі таксама заявіла, што ў Беларусі няма праследаванняў па палітычных матывах. "Ёсць выразныя заканадаўчыя рамкі для рэалізацыі сацыяльных, грамадзянскіх, эканамічных і палітычных правоў. Закон адзіны для ўсіх, незалежна ад прафесійнай або грамадскай дзейнасці. Усе ў роўнай ступені падсправаздачныя закону і адказныя за яго парушэнні, незалежна ад таго, знаходзіцца грамадзянін у краіне або за яе межамі", - заўважыла яна.
"Пры гэтым гуманнасць - важны аспект нашай палітыкі. Кіраўніком дзяржавы ў 2024 годзе памілаваны, у тым ліку па гуманных меркаваннях, 293 чалавекі, якія раскаяліся ва ўчыненых злачынствах, звязаных з антыдзяржаўнай дзейнасцю. Трэці год працуе Камісія па разглядзе зваротаў грамадзян Беларусі, якія знаходзяцца за мяжой, для садзейнічання ўрэгуляванню іх сітуацый у рамках прававога поля", - праінфармавала Ларыса Бельская.
"Беларусь мае намер і далей ісці па шляху прагрэсу ў галіне правоў чалавека ў адпаведнасці са сваімі нацыянальнымі ўмовамі і суверэннымі інтарэсамі, як гэта прадугледжвае Статут ААН. Мы не маем патрэбы ў палітызаваных інструментах СПЧ, што абслугоўваюць групу краін для націску на Беларусь. Заклікаю спыніць работу гэтых механізмаў", - рэзюмавала пастаянны прадстаўнік Рэспублікі Беларусь.-0-
Дыялог адбыўся ў рамках 58-й сесіі Савета ААН па правах чалавека (СПЧ). "Пяць гадоў прайшло з прэзідэнцкіх выбараў у Беларусі ў 2020 годзе, якія Захад спрабаваў выкарыстаць, каб узарваць палітычную сістэму і стварыць хаос у краіне. Не атрымалася. Але хочацца ўзяць рэванш. Узмацненне націску на Беларусь пацвярджае гэту ацэнку", - сказала Ларыса Бельская.
Яна адзначыла, што беларускае грамадства і дзяржава выстаялі ў 2020 годзе, выстаяць і цяпер. "Краіна развіваецца, упэўнена рухаецца па шляху прагрэсу. У ходзе нядаўніх прэзідэнцкіх выбараў народ Беларусі пацвердзіў свой выбар на карысць стабільнасці", - падкрэсліла беларускі дыпламат.
"Народ Беларусі цэніць тое, што дзяржава прыкладае максімум намаганняў, каб забяспечыць сваім грамадзянам мір і працвітанне, магчымасць найлепшым чынам рэалізаваць свае правы, свабоды і патэнцыял ва ўсіх сферах жыцця. Гэту палітыку падтрымліваюць сотні НУА і сотні прафсаюзных арганізацый, якія вырашаюць рэальныя праблемы і абараняюць правы людзей, не проціпастаўляючы сябе дзяржаве", - канстатавала Ларыса Бельская.
Пастаянны прадстаўнік Беларусі таксама заявіла, што ў Беларусі няма праследаванняў па палітычных матывах. "Ёсць выразныя заканадаўчыя рамкі для рэалізацыі сацыяльных, грамадзянскіх, эканамічных і палітычных правоў. Закон адзіны для ўсіх, незалежна ад прафесійнай або грамадскай дзейнасці. Усе ў роўнай ступені падсправаздачныя закону і адказныя за яго парушэнні, незалежна ад таго, знаходзіцца грамадзянін у краіне або за яе межамі", - заўважыла яна.
"Пры гэтым гуманнасць - важны аспект нашай палітыкі. Кіраўніком дзяржавы ў 2024 годзе памілаваны, у тым ліку па гуманных меркаваннях, 293 чалавекі, якія раскаяліся ва ўчыненых злачынствах, звязаных з антыдзяржаўнай дзейнасцю. Трэці год працуе Камісія па разглядзе зваротаў грамадзян Беларусі, якія знаходзяцца за мяжой, для садзейнічання ўрэгуляванню іх сітуацый у рамках прававога поля", - праінфармавала Ларыса Бельская.
"Беларусь мае намер і далей ісці па шляху прагрэсу ў галіне правоў чалавека ў адпаведнасці са сваімі нацыянальнымі ўмовамі і суверэннымі інтарэсамі, як гэта прадугледжвае Статут ААН. Мы не маем патрэбы ў палітызаваных інструментах СПЧ, што абслугоўваюць групу краін для націску на Беларусь. Заклікаю спыніць работу гэтых механізмаў", - рэзюмавала пастаянны прадстаўнік Рэспублікі Беларусь.-0-
Падпісвайцеся на нас у
