ДЗЯРЖОРГАНЫДЗЯРЖОРГАНЫ
Флаг Чацвер, 29 верасня 2022
Мінск +10°C
Усе навіны
Усе навіны
Палітыка
18 ліпеня 2022, 10:58

Беларускія паслы вярнуліся з краін знаходжання. Навошта іх сабралі ў Мінску?

18 ліпеня, Мінск /Кар. БЕЛТА/. У Акадэміі кіравання пры Прэзідэнце Беларусі стартаваў штогадовы семінар кіраўнікоў дыпламатычных прадстаўніцтваў і консульскіх устаноў Беларусі, перадае карэспандэнт БЕЛТА.

На адкрыцці семінара міністр замежных спраў Уладзімір Макей акрэсліў умовы, у якіх сёння развіваецца Беларусь, а таксама нагадаў дыпламатам аб прыярытэтах знешняй палітыкі.

У час вучобы, якая прадоўжыцца на працягу тыдня, беларускія дыпламаты правядуць нараду ва ўрадзе, сустрэчы з прадстаўнікамі розных міністэрстваў і ведамстваў, банкаўскіх арганізацый, канцэрнаў і прадпрыемстваў.

"Пералік тэм гэтай вучобы даволі шырокі. Гэта не проста і не толькі пытанні эканомікі і гандлю. Сёння асабліва важна дакладна разумець і ўдасканальваць нашы магчымасці па процідзеянні і мінімізацыі знешніх выклікаў і пагроз, як ужо застарэлых, так і новых, - сказаў Уладзімір Макей. - Акцэнты будуць зроблены на пытаннях імпартазамяшчэння ў кантэксце процідзеяння заходнім санкцыям, а таксама аналізе заходніх санкцый у банкаўскай сферы і магчымасцях іх мінімізацыі".

Дыпламаты абмяркуюць і шляхі вырашэння праблем, якія ўзнікаюць у сферы пасажырскіх, грузавых аўтамабільных і чыгуначных перавозак.

Рэктар Акадэміі кіравання Вячаслаў Даніловіч у сваю чаргу адзначыў, што ў час семінара значная колькасць пытанняў будзе прысвечана эканамічнай праблематыцы, становішчу Беларусі і яе развіццю ва ўмовах санкцыйнага націску.

"Таксама не застануцца не закранутымі пытанні гібрыднай вайны, якая разгорнута супраць нашай краіны, пытанне генацыду беларускага народа - мы гэты парадак дня імкнёмся актыўна ўзнімаць і на міжнародным узроўні", - дадаў Вячаслаў Даніловіч.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі