ДЗЯРЖОРГАНЫДЗЯРЖОРГАНЫ
Флаг Пятніца, 30 ліпеня 2021
Мінск Ясна +18°C
Усе навіны
Усе навіны
Палітыка
20 красавіка 2021, 16:32

Беларускія парламентарыі рашуча асуджаюць спробы насільнага звяржэння дзяржаўнай улады

Фота з архіва
Фота з архіва

20 красавіка, Мінск /Кар. БЕЛТА/. Члены Савета Рэспублікі і дэпутаты Палаты прадстаўнікоў з абурэннем успрынялі інфармацыю аб спробе дзяржаўнага перавароту ў Беларусі, спалучанага з фізічным устараненнем першых асоб дзяржавы і іх блізкіх сваякоў. Аб гэтым гаворыцца ў заяве Нацыянальнага сходу ў сувязі з інфармацыяй аб спробе дзяржаўнага перавароту, паведамляе БЕЛТА са спасылкай на сайт ніжняй палаты парламента.

"Падрыхтоўку такіх дзеянняў трэба разглядаць як тэрарыстычны акт і злачынства супраць усёй Рэспублікі Беларусь. Перадумовай гэтага злачыннага намеру стала няўхільнае разбурэнне асноў і традыцыйных прынцыпаў міжнароднага права. На працягу некалькіх дзесяцігоддзяў шэраг дзяржаў умешваецца ва ўнутраныя справы іншых краін, прыкрываючыся скажонымі ўяўленнямі аб абароне свабод і дэмакратычных каштоўнасцей, - гаворыцца ў заяве. - У штодзённую практыку ўведзена выкарыстанне санкцый і іншых мер эканамічнага націску. Шырокае распаўсюджванне атрымала арганізацыя каляровых рэвалюцый для звяржэння законна выбраных органаў улады ў суверэнных дзяржавах. Усюды такія дзеянні вялі да разбурэння, знішчэння нацыянальных традыцый і дзяржаўнасці, збяднення і гібелі людзей. Сёння мы становімся сведкамі дэградацыі гэтых метадаў да ўзроўню злачынных падрыўных аперацый, змоў, нацэленых непасрэдна на распальванне варожасці і забойствы".

Беларускія парламентарыі рашуча асуджаюць любыя спробы насільнага звяржэння дзяржаўнай улады і заклікаюць міжнародную супольнасць неадкладна адмовіцца ад падтрымкі любых дэструктыўных сіл, якія дэстабілізуюць унутрыпалітычную сітуацыю ў Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі