2 красавіка, Мінск /Кар. БЕЛТА/. У Мінску 2 красавіка адбудуцца перагаворы спікера Палаты прадстаўнікоў Уладзіміра Андрэйчанкі з намеснікам старшыні Пастаяннага камітэта Усекітайскага сходу народных прадстаўнікоў Шэнь Юэюэ. Прадметам абмеркавання стануць перспектывы двухбаковага супрацоўніцтва, паведамілі БЕЛТА ў прэс-службе Палаты прадстаўнікоў.
Бакі абмяркуюць стан і перспектывы беларуска-кітайскага міжпарламенцкага супрацоўніцтва, іншыя актуальныя пытанні двухбаковага ўзаемадзеяння. Парламенцкая дэлегацыя Кітая прыбыла ў Беларусь 1 красавіка. Візіт прадоўжыцца да 3 красавіка.
Як паведамлялася, згодна са статыстыкай беларускага боку, у 2018 годзе аб'ём тавараабароту паміж Кітаем і Беларуссю павінен перасягнуць $3,5 млрд. Краіны паспяхова рэалізуюць ініцыятыву "Адзін пояс і адзін шлях". Беларусь з'яўляецца яе ключавым звяном з улікам ажыццяўлення на тэрыторыі краіны праекта стварэння Кітайска-беларускага індустрыяльнага парка "Вялікі камень", названага старшынёй КНР Сі Цзіньпінам жамчужынай Шаўковага шляху.-0-