24 чэрвеня, Мінск /Кар. БЕЛТА/. Беларускія дэпутаты разгледзяць 25 чэрвеня ў першым чытанні папраўкі ў законы па пытаннях пенсійнага забеспячэння (аб пенсійным забеспячэнні і аб прафесійным пенсійным страхаванні). Аб гэтым БЕЛТА паведамілі ў прэс-службе Палаты прадстаўнікоў.
Плануецца, што парламентарыі зацвердзяць справаздачы аб выкананні рэспубліканскага бюджэту і бюджэту дзяржаўнага пазабюджэтнага фонду сацыяльнай абароны насельніцтва за 2019 год, разгледзяць ратыфікацыю канвенцыі краін СНД аб перадачы выканання пакаранняў, не звязаных з пазбаўленнем волі.
Другое чытанне плануецца над папраўкамі ў законы аб трацейскіх судах, па пытаннях кантрольнай (нагляднай) дзейнасці, а таксама змяненнях у Грамадзянскі і Гаспадарчы працэсуальны кодэксы. Гэтыя кодэксы прыводзяцца ў адпаведнасць з Падатковым кодэксам, якім прадугледжана, што пры звароце ў суд замест квітанцыі аб выплаце дзяржпошліны можна паказваць уліковы нумар аперацыі ў АРІП.
У двух чытаннях плануецца разгледзець папраўкі ў Крымінальна-выканаўчы кодэкс Беларусі.
Як паведамлялася, пенсійнае заканадаўства прыводзіцца ў адпаведнасць з указам ад 17 студзеня 2020 года нумар 15. У адпаведнасці з ім, пачынаючы з 1 студзеня, работнікам, якія маюць права на датэрміновую прафесійную пенсію і адпрацавалі да 1 студзеня 2009-га не менш за палавіну неабходнага льготнага стажу, прадастаўлена права на назначэнне датэрміновай ільготнай пенсіі па законе аб пенсійным забеспячэнні ўзамен датэрміновай пенсіі па законе аб прафесійным пенсійным страхаванні. Што датычыцца больш маладых работнікаў, якім трэба будзе большую частку стажу адпрацаваць у сістэме прафесійнага пенсійнага страхавання, то для павышэння іх будучых пенсій указам прадугледжваецца павелічэнне ўзносаў работадаўцаў прыкладна ў два разы.
Прафесійнае пенсійнае страхаванне ў Беларусі ўвялі з 1 студзеня 2009 года, каб сфарміраваць для датэрміновых пенсій асобную крыніцу фінансавання. Работнікам, занятым у неспрыяльных умовах працы, назначаецца прафесійная пенсія. Яе памер залежыць ад аб'ёму мэтавых узносаў (пенсійных зберажэнняў), назапашаных на індывідуальных рахунках у сістэме індывідуальнага (персаніфікаванага) уліку. Па правілах пераходнага перыяду (ад назначэння датэрміновых ільготных пенсій па ўзросце за работу з асаблівымі ўмовамі працы і за выслугу гадоў да назначэння прафесійных пенсій), пры адпрацоўцы пасля 1 студзеня 2009 года больш за палавіну ад патрэбнага льготнага стажу назначалася толькі пенсія па законе аб прафесійным пенсійным страхаванні. Пры гэтым права на пенсію па нормах закона аб пенсійным забеспячэнні страчвалася. Указ нумар 15 падыходы да прадастаўлення датэрміновай пенсіі змяніў.-0-
