ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Палітыка
17 чэрвеня 2022, 11:09

Беларусь заўсёды няўхільна выконвала патрабаванні міжнародных дагавораў і пагадненняў у галіне раззбраення

Фота з архіва
Фота з архіва

17 чэрвеня, Мінск /Кар. БЕЛТА/. Беларусь заўсёды няўхільна выконвала патрабаванні міжнародных дагавораў і пагадненняў у галіне раззбраення, нераспаўсюджвання ўзбраенняў і кантролю над імі. Гэта было адзначана беларускай дэлегацыяй у час выступлення ў Вене на Форуме АБСЕ па супрацоўніцтве ў галіне бяспекі, паведамілі карэспандэнту БЕЛТА ў беларускім пасольстве ў Аўстрыі.

"На пасяджэннях Форуму АБСЕ па супрацоўніцтве ў галіне бяспекі прадаўжаюць гучаць заклікі асобных дзяржаў-удзельніц у адрас Беларусі вярнуцца да выканання сваіх міжнародных абавязацельстваў. У сувязі з гэтым хацелі б падкрэсліць, што Беларусь заўсёды няўхільна выконвала патрабаванні міжнародных дагавораў і пагадненняў у галіне раззбраення, нераспаўсюджвання і кантролю над узбраеннямі, а часта рабіла нават больш, чым прадпісана гэтымі дакументамі. Рашэнне аб прыпыненні верыфікацыйнай дзейнасці Беларусь прыняла ў 2020 годзе пасля таго, як на фоне распаўсюджвання каранавіруснай інфекцыі аб гэтым заявілі іншыя краіны і пачалі адмаўляць нам у правядзенні інспекцый", - адзначылі прадстаўнікі Беларусі.

Пры гэтым Беларусь прадаўжала выконваць двухбаковыя дамоўленасці аб дадатковых мерах даверу і бяспекі і на парытэтнай аснове запрашала прадстаўнікоў Літвы і Латвіі для назірання за этапамі вучэнняў "Захад-2021" і "Саюзная рашучасць-2022".

"Увесь гэты час Беларусь таксама была адкрытая для рабочых сустрэч экспертаў у рамках двухбаковых дамоўленасцей аб дадатковых мерах даверу і бяспекі, - было адзначана ў час форуму. - Аб гэтым мы неаднаразова інфармавалі калег з Польшчы, Літвы і Украіны. На жаль, у 2021-м і 2022 гадах адбыліся толькі сустрэчы экспертаў Беларусі і Латвіі. Гэта сведчыць аб жаданні іншых дзяржаў не працаваць над вырашэннем існуючых пытанняў за сталом перагавораў, а палітызаваць іх".

Звяртае на сябе ўвагу і тое, што прэтэнзіі ў прыпыненні верыфікацыйнай дзейнасці гучаць у адрас Беларусі, у той час як шэраг іншых краін, уключаючы нашых польскіх суседзяў, да гэтага часу закрытых для інспекцый і наведванняў па ацэнцы з-за неспрыяльнай эпідэміялагічнай абстаноўкі, чамусьці не згадваецца.

"Нягледзячы на прэцэдэнт, калі прадстаўнікі Беларусі не былі запрошаны на мерапрыемства ў рамках Венскага дакумента 2011 года, што ставіць пад сумненне далейшую эфектыўную работу гэтага механізма, Беларусь у бліжэйшыя дні мае намер аднавіць верыфікацыйную дзейнасць па Дагаворы аб звычайных узброеных сілах у Еўропе і Венскім дакуменце 2011 года. Адпаведныя паведамленні будуць накіраваны па сетцы сувязі. Спадзёмся, што асобныя дзяржавы-ўдзельніцы адмовяцца ад палітыкі байкатавання і вернуцца да поўнага выканання сваіх міжнародных абавязацельстваў", - было заяўлена на форуме.

"Гэта абавязковая ўмова вяртання працэсу кантролю над узбраеннямі на прасторы АБСЕ ў канструктыўнае рэчышча. Са свайго боку Беларусь прадоўжыць на добраахвотнай аснове прадстаўляць інфармацыю аб праводзімых ва Узброеных сілах мерапрыемствах, - адзначана ў час выступлення. - На мінулым тыдні ў адпаведнасці з планам падрыхтоўкі да выканання задач па прызначэнні ў 2021-2022 гадах завяршыліся заняткі па баявой гатоўнасці. Прадоўжыўся трэці этап праверкі сіл рэагавання".

"Падраздзяленні Узброеных сіл прадаўжаюць выконваць задачы па ўзмацненні аховы ўчасткаў Дзяржаўнай граніцы Беларусі сумесна з органамі пагранічнай службы і падраздзяленнямі ўнутраных войскаў Міністэрства ўнутраных спраў", - расказалі прадстаўнікі Беларусі.

Яны таксама праінфармавалі, што на наступным тыдні ў рамках транспарэнтнасці ваенныя аташэ замежных дзяржаў, акрэдытаваныя пры Міністэрстве абароны Беларусі, наведаюць падраздзяленні Узброеных сіл, якія выконваюць задачы па ўзмацненні Дзяржаўнай граніцы Беларусі з Украінай.

Беларуская дэлегацыя яшчэ раз звярнула ўвагу ўдзельнікаў форуму на тое, што Беларусь была і застаецца адкрытай для ўзаемапаважлівага, прафесійнага і дэпалітызаванага дыялогу, накіраванага на аднаўленне даверу і ўмацаванне бяспекі ў рэгіёне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі