Мабільная версія
ДЗЯРЖОРГАНЫ

Апошнія навіны
Усе навіны

Беларусь зацікаўлена ў нарошчванні супрацоўніцтва з Грузіяй па ўсіх напрамках - Андрэйчанка

Палітыка 23.08.2019 | 13:58
Уладзімір Андрэйчанка і Мамука Бахтадзэ
Уладзімір Андрэйчанка і Мамука Бахтадзэ

23 жніўня, Мінск /Кар. БЕЛТА/. Беларусь зацікаўлена ў нарошчванні ўзаемавыгаднага супрацоўніцтва з Грузіяй па ўсіх напрамках, заявіў старшыня Палаты прадстаўнікоў Уладзімір Андрэйчанка ў час сустрэчы з прэм'ер-міністрам Грузіі Мамукам Бахтадзэ, перадае карэспандэнт БЕЛТА.

"Наша прынцыповая пазіцыя - шукаць магчымасці для нарошчвання супрацоўніцтва па ўсіх напрамках, якія выгадныя і беларускаму боку, і грузінскаму. Важную ролю ў гэтым адыгрываюць парламентарыі. У нас створаны групы дружбы. Трэба сказаць, што яны працуюць нефармальна. Падрыхтавана дарожная карта развіцця супрацоўніцтва паміж парламентарыямі. Яна цяпер знаходзіцца на разглядзе ў грузінскага боку. Думаю, што парламентарыям трэба больш грунтоўна працаваць і ў складзе міжурадавай камісіі па гандлёва-эканамічным супрацоўніцтве, таму што асноўныя пытанні вырашаюцца менавіта там", - сказаў Уладзімір Андрэйчанка.

Паводле яго слоў, ёсць усе перадумовы для нарошчвання двухбаковага тавараабароту. "У Беларусі працуе шэраг прадпрыемстваў з грузінскім капіталам, нашы прадстаўніцтвы працуюць у вашай краіне. Мы зацікаўлены ў тым, каб нарошчваліся пастаўкі грузінскіх тавараў у Беларусь. У першую чаргу гэта мінеральная вада, агародніна, фрукты, моцныя спіртныя напіткі. Прадпрыемствы, якія разліваюць грузінскія каньякі, ужо ёсць у Беларусі. Нам трэба далей ісці па шляху стварэння сумесных прадпрыемстваў па перапрацоўцы вашай прадукцыі, агародніны, фруктаў на тэрыторыі Беларусі", - адзначыў старшыня Палаты прадстаўнікоў.

Уладзімір Андрэйчанка акцэнтаваў асаблівую ўвагу на развіцці турызму паміж Беларуссю і Грузіяй. Паводле даных статыстыкі, калі ў 2010 годзе прыкладна 5 тыс. беларусаў наведалі Грузію, то ў 2018-м - ужо 65 тыс. "Думаю, што турыстычны напрамак трэба развіваць не толькі ў Грузію, але каб і ў Беларусь прыязджалі. І гэта не толькі пазнавальны, але і медыцынскі турызм. У нас добра развіта медыцына. Амаль 120 студэнтаў з Грузіі навучаюцца ў нашых медыцынскіх установах. Мы гатовы прыняць больш, у тым ліку ва ўстановы сельскагаспадарчага, эканамічнага профілю. Нашы вышэйшыя навучальныя ўстановы даюць дастойную адукацыю і каціруюцца на сусветным узроўні", - падкрэсліў ён.

Старшыня Палаты прадстаўнікоў нагадаў, што ў студзені адзначылі 25-годдзе з дня ўстанаўлення дыпламатычных адносін паміж Беларуссю і Грузіяй. "Але трэба прызнаць, што нашы добрыя адносіны маюць больш глыбокія карані. У аснове гэтых адносін дружба, узаемаразуменне, давер", - сказаў Уладзімір Андрэйчанка.

Як падкрэсліў Мамука Бахтадзэ, Беларусь для Грузіі з'яўляецца важным і надзейным партнёрам. "Калі гаварыць аб эканамічных адносінах, то афіцыйныя візіты Прэзідэнта Беларусі ў Грузію ў 2015 і 2018 гадах рэальна далі новы стымул іх развіццю. У нас дынаміка вельмі пазітыўная. Я ўпэўнены, што мы зможам у бліжэйшы час падвоіць тавараабарот паміж краінамі. З задавальненнем хачу адзначыць, што беларуская прадукцыя карыстаецца вялікай папулярнасцю ў нашага насельніцтва. У іншых сектарах эканомікі таксама ідзе добрая кааперацыя. Для нас важны ваш вопыт развіцця новых тэхналогій, інавацый", - дадаў ён.

Гаворачы аб актывізацыі супрацоўніцтва ў галіне турызму, Мамука Бахтадзэ адзначыў, што, калі "ёсць моцныя, надзейныя адносіны паміж народамі, заўсёды можна выбудаваць любыя мадэлі эканамічнага супрацоўніцтва".-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзень без аўтамабіля ў Мінску Дзень без аўтамабіля завяршае Еўрапейскі тыдзень мабільнасці, мэта якога - прыцягнуць насельніцтва да выкарыстання альтэрнатыў аўтамабільнаму транспарту.