15 ліпеня, Мінск /Аліна Грышкевіч - БЕЛТА/. Рэспубліка Беларусь з глыбокай заклапочанасцю канстатуе эскалацыю абстаноўкі на азербайджана-армянскай граніцы. Аб гэтым гаворыцца ў заяве Міністэрства замежных спраў Беларусі, паведамляе БЕЛТА.
"Усе канфлікты павінны вырашацца выключна мірным шляхам, пры дапамозе перагавораў і іншых міжнародна прызнаных інструментаў, - адзначаецца ў заяве. - Прымяненне сілы можа толькі пагоршыць сітуацыю. Заклікаем бакі прытрымлівацца рэжыму спынення агню і пазбягаць любых крокаў, якія вядуць да росту напружанасці і чалавечых ахвяр".
Беларусь спадзяецца, што Баку і Ерэван адновяць дыялог, праявяць уласцівыя абодвум народам мудрасць і разважлівасць, усведамляючы адказнасць за стабільнасць ва ўсім рэгіёне. "Таксама разлічваем, што ўсе дружалюбныя Азербайджану і Арменіі краіны выкарыстаюць свой аўтарытэт для дээскалацыі сітуацыі, у тым ліку ў рамках Мінскай групы АБСЕ", - гаворыцца ў заяве.-0-
