ДЗЯРЖОРГАНЫДЗЯРЖОРГАНЫ
Флаг Чацвер, 30 чэрвеня 2022
Мінск Малавоблачна +25°C
Усе навіны
Усе навіны
Палітыка
08 красавіка 2022, 09:01

Беларусь выступіла катэгарычна супраць прыпынення членства Расіі ў Савеце ААН па правах чалавека

Фота з архіва
Фота з архіва

8 красавіка, Мінск /Кар. БЕЛТА/. Беларусь выступіла катэгарычна супраць прыпынення членства Расіі ў Савеце ААН па правах чалавека. Адпаведную заяву агучыў Пастаянны прадстаўнік Беларусі пры ААН Валянцін Рыбакоў на адноўленай 11-й надзвычайнай спецыяльнай сесіі ГА ААН, на якую быў вынесены праект рэзалюцыі аб прыпыненні членства Расіі ў Савеце ААН па правах чалавека, паведамляе БЕЛТА.

"Беларусь выступае катэгарычна супраць прадстаўленага праекта рэзалюцыі. Вылучэнне праекта матывавана выключна палітычнымі інтарэсамі, якія маюць на мэце дэманізацыю Расійскай Федэрацыі і спробу яе ізаляцыі ў міжнародных арганізацыях. Такія ідэі вядуць да разбалансіроўкі ўсёй сістэмы міжнароднага супрацоўніцтва, заснаванай на Статуце Арганізацыі Аб'яднаных Нацый, і да доўгатэрміновых негатыўных наступстваў аж да развалу самой ААН", - заявіў у ААН беларускі дыпламат.

Было падкрэслена, што прапанова аб выключэнні Расіі з'яўляецца прамым укладам у знішчэнне і самога Савета па правах чалавека ААН. Паводле слоў дыпламата, гэта таксама ўклад у замацаванне развалу сістэмы выканання правоў чалавека пад эгідай ААН, што ўжо выявілася, асабліва ў апошнія тыдні, у настроях расізму, ксенафобіі і іншых праяўленняў дыскрымінацыі па моўнай, культурнай, рэлігійнай і іншай прыналежнасці ў заходніх краінах.

"Неабходна займацца не вырашэннем імгненных задач пад уплывам эмоцый, а думаць сярод іншага аб перспектывах урэгулявання канфліктных сітуацый і постканфліктнага светаўладкавання", - падкрэсліў прадстаўнік Беларусі.

Прапанаванае рашэнне, як і іншыя крокі і спробы па абмежаванні ўдзелу Расіі ў міжнародных арганізацыях, не толькі не ўнясе ўклад ва ўрэгуляванне сітуацыі ва Украіне, але хутчэй паставіць пад дадатковую рызыку перспектывы мірнага перагаворнага працэсу, ля вытокаў якога месяц таму стаялі Беларусь і асабіста яе Прэзідэнт Аляксандр Лукашэнка, адзначаецца ў заяве беларускага боку.

"Мы заклікаем задумацца аб гэтым і прагаласаваць супраць прадстаўленага праекта рэзалюцыі", - рэзюмаваў Валянцін Рыбакоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі