Мабільная версія
ДЗЯРЖОРГАНЫ

Апошнія навіны
Усе навіны

Беларусь выступае за новыя праекты ў ЦЕІ і недапушчэнне раздзяляльных ліній

Палітыка 05.12.2018 | 09:08

5 снежня, Мінск /Кар. БЕЛТА/. Беларусь выступае за новыя праекты ў рэгіёне Цэнтральна-Еўрапейскай ініцыятывы (ЦЕІ) і недапушчэнне раздзяляльных ліній. Аб гэтым ішла размова на штогадовым саміце кіраўнікоў урадаў дзяржаў - членаў ЦЕІ, паведамілі БЕЛТА ў прэс-службе Міністэрства замежных спраў Беларусі.

На пленарнай сесіі намеснік міністра замежных спраў Алег Краўчанка прадставіў прыярытэты Беларусі ў супрацоўніцтве з ЦЕІ і падыходы да яе ўмацавання. Кіраўнік беларускай дэлегацыі падкрэсліў нязменную запатрабаванасць ЦЕІ на сучасным этапе, неабходнасць нарошчвання прыкладной праектнай дзейнасці па сацыяльна і эканамічна значных напрамках і недапушчэння ўзнікнення раздзяляльных ліній у рэгіёне.

Беларуская дэлегацыя прыняла ўдзел у зацвярджэнні абноўленых кіруючых прынцыпаў і правіл працэдуры ЦЕІ, прамежкавай справаздачы аб выкананні плана дзеянняў ЦЕІ на 2018-2020 гады і цырымоніі перадачы старшынства ў ЦЕІ ад Харватыі да Італіі.

Алег Краўчанка выступіў на рабочай сустрэчы кіраўнікоў дэлегацый з прэм'ер-міністрам Харватыі Андрэем Пленкавічам і правёў перагаворы аб перспектывах беларуска-харвацкіх адносін з намеснікам міністра замежных і еўрапейскіх спраў Харватыі Віцэ Скрачычам.

Кіраўнік беларускай дэлегацыі абмеркаваў магчымасці супрацоўніцтва з ЦЕІ з нованазначаным генеральным сакратаром арганізацыі Раберта Антаніёне і правёў кароткую гутарку з еўракамісарам па еўрапейскай палітыцы суседства і перагаворах аб пашырэнні ЕС Ёханесам Ханам аб бліжэйшых кроках у адносінах з Еўрасаюзам. Адбыліся таксама сустрэчы намесніка міністра замежных спраў Беларусі з кіраўнікамі дэлегацый шэрага іншых дзяржаў - членаў ЦЕІ.

ЦЕІ - міждзяржаўнае аб'яднанне, створанае ў 1989 годзе для развіцця рэгіянальнага супрацоўніцтва. Цяпер у склад ЦЕІ ўваходзяць 17 дзяржаў: Албанія, Беларусь, Балгарыя, Боснія і Герцагавіна, Венгрыя, Італія, Македонія, Малдова, Польшча, Румынія, Сербія, Славакія, Славенія, Украіна, Харватыя, Чарнагорыя і Чэхія. Беларусь з'яўляецца членам ЦЕІ з 1996 года.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.