15 мая, Мінск /Кар. БЕЛТА/. У Рэспубліцы Беларусь занепакоены эскалацыяй насілля на размежавальнай лініі паміж ізраільскімі і палесцінскімі тэрыторыямі. Аб гэтым гаворыцца ў заяве ўпраўлення інфармацыі і лічбавай дыпламатыі МЗС Беларусі, паведамляе БЕЛТА.
"У Рэспубліцы Беларусь занепакоены эскалацыяй насілля на размежавальнай лініі паміж ізраільскімі і палесцінскімі тэрыторыямі, асабліва ў раёне сектара Газа, якая прывяла да шматлікіх ахвяр сярод грамадзянскага насельніцтва", - заявілі ў міністэрстве.
МЗС Беларусі заклікае бакі канфлікту да стрыманасці і адмовы ад дзеянняў, якія могуць прывесці да далейшага кровапраліцця.
Беларускім грамадзянам, якія знаходзяцца ў Ізраілі, рэкамендавана пазбягаць месцаў правядзення пратэсных акцый.-0-