Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Беларусь самастойна вызначае свой унутраны і знешнепалітычны парадак дня - Марзалюк

Палітыка 22.04.2019 | 11:34
Ігар Марзалюк. Фота з архіва
Ігар Марзалюк. Фота з архіва

22 красавіка, Мінск /Кар. БЕЛТА/. Беларусь самастойна вызначае свой унутраны і знешнепалітычны парадак дня, заявіў журналістам старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк, перадае карэспандэнт БЕЛТА.

"Беларусь свой знешнепалітычны і ўнутраны парадак дня вызначае сама. Усе рашэнні ў нашай краіне вызначаюцца ў Мінску, а не ў Бруселі і Маскве, - падкрэсліў Ігар Марзалюк. - Пры гэтым Беларусь - краіна ў цэнтры Еўропы, якая хоча мець нармальныя саюзніцкія адносіны з Расіяй, Кітаем і са ўсім светам".

Пытанні суверэнітэту, умацавання незалежнасці, развіцця краіны былі аднымі з магістральных у Пасланні Прэзідэнта беларускаму народу і Нацыянальнаму сходу, адзначыў дэпутат. Пасланне было знакавым ва ўсіх адносінах, у прыватнасці гэта звязана з юбілейным годам: у 2019-м споўнілася 25 гадоў з дня прыняцця Канстытуцыі Рэспублікі Беларусь і станаўлення інстытута прэзідэнцтва. "25 гадоў рэальнага, а не на паперы, суверэнітэту", - дадаў Ігар Марзалюк.

У сваім выступленні Прэзідэнт закрануў прыярытэты знешняй палітыкі. У прыватнасці, адзначалася, што намаганні краіны накіраваны на актыўны ўдзел у інтэграцыйных аб'яднаннях на постсавецкай прасторы. Беларусь нязменна прытрымліваецца ўзятага 20 гадоў таму курсу на стварэнне саюзнай дзяржавы. У ліку прыярытэтаў Аляксандр Лукашэнка назваў і супрацоўніцтва ў СНД, звярнуўшы ўвагу, што для многіх краін, якія ўваходзяць у яе, гэта фактычна адзіная пляцоўка не толькі для гандлёвага, але і палітычнага дыялогу.

Раней было прынята рашэнне аб адаптацыі органаў СНД да новых умоў, над чым цяпер і вядзецца работа, адзначыў у сувязі з гэтым старшыня Выканкама СНД Сяргей Лебедзеў. Паводле яго слоў, узаемадзеянне краін Садружнасці адпавядае інтарэсам кожнай з дзяржаў, што ўваходзяць у яе. Выканкам СНД у сваю чаргу адчувае падтрымку кіраўніцтва Беларусі ў інтэграцыйнай дзейнасці. Штаб-кватэра СНД знаходзіцца ў Мінску, які лічыцца нефармальнай сталіцай Садружнасці Незалежных Дзяржаў.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.