1 снежня, Мінск /Аліна Грышкевіч - БЕЛТА/. Беларусь прыняла ўдзел у Канферэнцыі па міжрэгіянальным супрацоўніцтве паміж дзяржавамі ШАС і кітайскім Сюйчжоу. Аб гэтым карэспандэнту БЕЛТА расказалі ў генеральным консульстве Беларусі ў Шанхаі.
"Генеральны консул Беларусі ў Шанхаі Андрэй Андрэеў прыняў удзел у нарадзе па супрацоўніцтве і абменах паміж Сюйчжоу, дзяржавамі АСЕАН і краінамі "Пояса і шляху", а таксама Канферэнцыі па міжрэгіянальным супрацоўніцтве паміж дзяржавамі ШАС і Сюйчжоу", - адзначылі ў беларускай загранустанове.
Генеральны консул сустрэчуўся з мэрам Сюйчжоу Чжуанам Чжаалінем, іншымі кіраўнікамі Народнага ўрада гэтага рэгіёна, прадстаўнікамі рэктаратаў тэхналагічнага і педагагічнага ўніверсітэтаў Сюйчжоу. Абмяркоўваліся шляхі пашырэння міжрэгіянальнага гандлёва-эканамічнага і адукацыйнага супрацоўніцтва. Размова ішла ў тым ліку аб кантактах па лініі пабрацімскіх сувязей Сюйчжоу з Мазырскім раёнам Гомельскай вобласці.
Андрэй Андрэеў выступіў перад дзелавымі коламі Сюйчжоу з прэзентацыяй інвестыцыйных магчымасцей Кітайска-беларускага індустрыяльнага парка "Вялікі камень", а таксама азнаёміў прысутных з экспартным патэнцыялам мяса-малочнай галіны Беларусі.-0-
